മത്തി പ്രേമികളെ ഇതിലെ ഇതിലെ… ഇങ്ങനെ ഒന്ന് പൊരിച്ച് നോക്കു…ഇത് കിടുക്കും

മത്തി ഇങ്ങനെ പച്ച കുരുമുളകിട്ട് പൊരിച്ചെടുക്കും എന്ന് നോക്കാം…

ആവശ്യ സാധനങ്ങൾ:

ചെറിയ മത്തി – അര കിലോ
പച്ച കുരുമുളക് – 1 ടേബിൾസ്പൂൺ
വെളുത്തുള്ളി – അല്ലി
കറിവേപ്പില – കുറച്ചു
ഇഞ്ചി – ഒരു ചെറിയ കഷ്ണം
ചെറിയ ഉള്ളി – 12
പച്ചമുളക് – 8+8
മല്ലിപ്പൊടി – 1 1/2 ടീസ്പൂൺ
മഞ്ഞൾപ്പൊടി – 1/2 ടീസ്പൂൺ
പെരും ജീരകം – 1 ടീസ്പൂൺ
ഉപ്പ് – ആവശ്യത്തിന്
വെളിച്ചെണ്ണ- 1 ടേബിൾസ്പൂൺ + വറുക്കാൻ ആവശ്യത്തിന്
നാരങ്ങാനീര് – 1 ടേബിൾസ്പൂൺ

Also read:വൈകുന്നേരം ചായക്ക് ഗോതമ്പ് പൊടി കൊണ്ട് ഉണ്ടാക്കാം ഒരു കിടിലൻ പലഹാരം

തയാറാക്കുന്ന വിധം:

• നന്നായി വൃത്തിയാക്കിയ മത്തി വരഞ്ഞെടുക്കുക.
• പച്ച കുരുമുളക്, വെളുത്തുള്ളി, കറിവേപ്പില, ഇഞ്ചി, ചെറിയ ഉള്ളി, 8 പച്ചമുളക്, മല്ലിപ്പൊടി, മഞ്ഞൾപ്പൊടി, പെരുംജീരകം, ഉപ്പ്, 1 ടേബിൾസ്പൂൺ വെളിച്ചെണ്ണ, നാരങ്ങാനീര് എന്നിവ നന്നായി അരച്ച് മത്തിയിൽ തേച്ചു പിടിപ്പിക്കുക. കുറച്ചു പച്ചമുളകും നടുകേ കീറി മത്തിയിൽ ഇടുക.
• ഒരു പാനിൽ വെളിച്ചെണ്ണ ഒഴിച്ച് ചൂടാകുമ്പോൾ മത്തി ഇട്ട് തിരിച്ചും മറിച്ചും ഇടുക. നടുകീറിയ പച്ചമുളകും, കറിവേപ്പിലയും കൂടി ഇട്ടു കൊടുക്കാം. എല്ലാം കൂടി പൊരിച്ചെടുത്തു ചൂടോടെ വിളമ്പുക.