ഓണത്തിന് റീലിസ് ആകുന്ന യുവതാരങ്ങളുടെ ചിത്രങ്ങൾ

ഓണം റിലീസുകൾക്കായി തയാറെടുത്ത് മലയാള സിനിമകൾ. ഇത്തവണ സൂപ്പർ താരങ്ങളുടെ ചിത്രങ്ങൾ ഒന്നും ഓണം റീലിസ് ആയി എത്തില്ല. പകരം യുവ താരങ്ങളുടെ സിനിമകൾ ആണ് ഓണത്തിന് മാറ്റ്കൂട്ടാൻ എത്തുക. മൂന്ന് ചിത്രങ്ങളാണ് ഈ പ്രാവശ്യം ഓണം റീലിസ് ആയി തിയറ്ററുകളിൽ എത്തുക.യുവതാരങ്ങൾ കേന്ദ്ര കഥാപാത്രങ്ങളാകുന്നു എന്നതുപോലെ തന്നെ യുവ സംവിധായകരുടെയും ചിത്രങ്ങളാണ് ഇതെല്ലം എന്ന പ്രത്യേകതയുമുണ്ട്.

also read; മലയാള സിനിമയില്‍ നിന്ന് ഇടവേള എടുത്തതിന് കാരണമുണ്ട്: സനുഷ

പാൻ ഇന്ത്യൻ ചിത്രം ദുൽഖർ സൽമാന്റെ ‘കിങ് ഓഫ് കൊത്ത’യാണ് ഓഗസ്റ്റ് 24-നാണ് റിലീസ് ചെയ്യുക. ദുൽഖർ ആരാധകർ‌ കാത്തിരിക്കുന്ന ചിത്രത്തിന്റെ പ്രൊമോഷൻ പരിപാടികൾ തെന്നിന്ത്യൻ പ്രേക്ഷകരുടെയടക്കം ശ്രെദ്ധനേടിക്കഴിഞ്ഞു. സിനിമയുടെ ആദ്യ ദിന ബുക്കിങ് ഹൗസ് ഫുള്ളായതോടെ അധിക സ്ക്രീനിം​ഗ് കൂടി സിനിമ റീലിസ് ചെയ്യാൻ തയാറെടുത്തിരിക്കുകയാണ് അണിയറപ്രവർത്തകർ.അഭിലാഷ് ജോഷിയാണ് കിങ് ഓഫ് കൊത്തയുടെ സംവിധായകൻ.

അതുപോലെ ഓ​​ഗസ്റ്റ് 25-ന് റിലീസിനെത്തുന്ന ചിത്രമാണ് നിവിൻ പോളി നായകനാകുന്ന ‘രാമചന്ദ്ര ബോസ് ആൻഡ് കമ്പനി’. മാജിക് ഫ്രെയിംസും പോളി ജൂനിയർ പിക്ചേഴ്‌സും ചേർന്നാണ് രാമചന്ദ്ര ബോസ് ആൻഡ് കമ്പനിയുടെ നി‍ർമ്മാണം. ഹനീഫ് അദേനിയാണ് സിനിമയുടെ സംവിധാനം.

also read: പരിനീതി ചോപ്രയുടെയും രാഘവ് ഛദ്ദയുടെയും വിവാഹം സെപ്റ്റംബർ 25 ന്; രാജസ്ഥാനിലെ ഉദയ്പൂർ പാലസ് വേദിയാകും
കൂടാതെ ഓ​ഗസ്റ്റ് 25-ന് റിലീസ് ചെയ്യുന്ന മറ്റൊരു ചിത്രമാണ് ‘ആ‍ർഡിഎക്സ്’. ആന്റണി വർ​ഗീസ്, നീരജ് മാധവ്, ഷെയ്ൻ നി​ഗം എന്നിവ‍ർ പ്രധാന കഥാപാത്രങ്ങളാകുന്ന ചിത്രമാണിത്. സിനിമയുടെ ട്രെയ്‍ലറിനും ഇതിനോടകം മികച്ച പ്രതികരണമാണ് ലഭിക്കുന്നത്. സോഫിയ പോളിന്റെ ഉടമസ്ഥതയിലുള്ള വീക്കെൻഡ് ബ്ലോക്ക്ബസ്റ്റേഴ്സാണ് നിർമാണം. നഹാസ് ഹിദായത്ത് ആണ് ചിത്രം ഒരുക്കുന്നത്.