റേഷൻ കടകളിലെ മോദി ബ്രാൻഡിംഗ് കേന്ദ്രസർക്കാരിൻറെ തെരഞ്ഞെടുപ്പ് പ്രചരണ പരിപാടി: മുഖ്യമന്ത്രി

റേഷൻ കടകളിലെ മോദി ബ്രാൻഡിംഗ് കേന്ദ്രസർക്കാരിൻറെ തെരഞ്ഞെടുപ്പ് പ്രചരണ പരിപാടിയെന്ന് മുഖ്യമന്ത്രി പിണറായി വിജയൻ. ഇതേ വരെയില്ലാത്ത പ്രചാരണ പരിപാടിയാണ് കേന്ദ്രം നടത്തുന്നത് എന്നും തെരഞ്ഞെടുപ്പ് ലക്ഷ്യം വെച്ചുള്ള പ്രവർത്തനമാണിതെന്നും മുഖ്യമന്ത്രി നിയമസഭയിൽ പറഞ്ഞു.

ALSO READ: വിലവർധനവ് തടയാൻ മാർക്കറ്റിൽ ശക്തമായ ഇടപെടലാണ് ഇടതു സർക്കാർ നടത്തുന്നത്: മന്ത്രി ജി ആർ അനിൽ

കേന്ദ്ര സർക്കാരിനെ ഇത് ശരിയല്ലെന്ന് അറിയിക്കുമെന്നും ഇവിടെ നടപ്പാക്കാൻ വിഷമമാണെന്ന് അറിയിക്കുമെന്നും മുഖ്യമന്ത്രി പറഞ്ഞു. തെരഞ്ഞെടുപ്പ് കമ്മീഷനെ സമീപിക്കാമോയെന്നും പരിശോധിക്കുമെന്നും മുഖ്യമന്ത്രി വ്യക്തമാക്കി.

ALSO READ: പാലക്കാട് മുതലമടയിലെ യുവാക്കളുടെ തിരോധാനം: അന്വേഷണം ക്രൈംബ്രാഞ്ച് ഏറ്റെടുത്തു

അതേസമയം വിലവർധനവ് തടയാൻ മാർക്കറ്റിൽ ശക്തമായ ഇടപെടലാണ് ഇടതു സർക്കാർ നടത്തുന്നതെന്നും മാർക്കറ്റ് ഇടപെടലിനായി 15 കോടി രൂപയാണ് സർക്കാർ ഈ ബഡ്ജറ്റിൽ അധികമായി നൽകിയതെന്നും മന്ത്രി ജി ആർ അനിൽ പറഞ്ഞു. സർക്കാർ ഇച്ഛാശക്തിയെ ചോദ്യം ചെയ്യേണ്ടതില്ല എന്നും മന്ത്രി വ്യക്തമാക്കി.ഉമ്മൻചാണ്ടി സർക്കാരിന്റെ കാലത്തുണ്ടാക്കിയ ബാധ്യത വളരെ വലുതാണെന്നും അത് കൊടുത്തു തീർക്കുന്നതിനുള്ള ഇടപെടലും സർക്കാർ നടത്തിവരുന്നുവെന്നും മന്ത്രി പറഞ്ഞു.