കണ്ണൂരും കൊല്ലത്തും പുതിയ ഐ ടി പാർക്കുകൾ സ്ഥാപിക്കും: മുഖ്യമന്ത്രി

കണ്ണൂരും കൊല്ലത്തും പുതിയ ഐ ടി പാർക്കുകൾ സ്ഥാപിക്കുമെന്ന് മുഖ്യമന്ത്രി. ഐ ടി മേഖലയിൽ വലിയ മാറ്റങ്ങൾ വരുന്നുവെന്നും ഈസ് ഓഫ് ഡൂയിംഗിൽ ഒന്നാമതായത് വലിയ ആത്മ വിശ്വാസം നൽകുന്നുവെന്നും മുഖ്യമന്ത്രി പറഞ്ഞു. എത്ര വേഗത്തിൽ കാര്യങ്ങൾ നടത്താൻ കഴിയുമോ അത്ര വേഗം കാര്യങ്ങൾ നടത്തുമെന്നും അദ്ദേഹം പറഞ്ഞു. ഐ ടി പ്രൊഫഷണലുകളുമായുള്ള മുഖ്യമന്ത്രിയുടെ കൂടി കാഴ്ചയിൽ ആണ് ഇക്കാര്യം വ്യക്തമാക്കിയത്

കോഴിക്കോട്-കണ്ണൂർ, എറണാകുളം-ചേർത്തല, തിരുവനന്തപുരം-കൊല്ലം എന്നിങ്ങനെ ഐ ടി കോറിഡോർ ഒരുക്കും. കേരളത്തിൻ്റെ വികസന ഘട്ടമാണിത്. സംസ്ഥാനത്തിൻ്റെ മാനവ വിഭവശേഷി നോക്കിയാൽ നല്ല കഴിവുള്ളവരാണ് ഇവിടെ ഉള്ളത്.

also read: വനം നിയമഭേദഗതി ബില്ലിൽ ജനങ്ങളോട് യുദ്ധ പ്രഖ്യാപനത്തിനില്ല: മന്ത്രി എകെ ശശീന്ദ്രൻ

ഐ ടി മേഖലയിൽ പുരോഗതി ഉണ്ടായി, ഇനിയും ഉണ്ടാകേണ്ടതുണ്ട് .വ്യാവസായിക രംഗത്ത് വലിയ മാറ്റം ഉണ്ടായി, ഏത് സ്ഥാപനത്തിനും ലാഭം ഉണ്ടാകും. സമൂഹത്തിന് ഗുണം ചെയ്യുന്ന സ്ഥാപനം എന്നതാണ് സർക്കാർ കാണുക.അത്തരം സ്ഥാപനങ്ങൾക്ക് ആവശ്യമായ എല്ലാ പിന്തുണയും സർക്കാർ നൽകുമെന്നും മുഖ്യമന്ത്രി പറഞ്ഞു.