മലപ്പുറം മഞ്ചേരി എന്‍എസ്എസ് കോളേജ് യൂണിയന്‍ തെരഞ്ഞെടുപ്പുമായി ബന്ധപ്പെട്ട് എംഎസ്എഫിനെ ട്രോളി എസ്എഫ്ഐ സംസ്ഥാന സെക്രട്ടറി പിഎം ആര്‍ഷോ. തെരഞ്ഞെടുപ്പിൽ എസ്എഫ്ഐ ഉജ്വല ജയം നേടിയതിന് ശേഷമായിരുന്നു അദ്ദേഹത്തിൻ്റെ പോസ്റ്റ്.
‘ഇണ്ടാസുമായെത്തി മഞ്ചേരി NSS കോളേജ് പത്താം തിയ്യതി തൂക്കാൻ നിന്നൊരു ചെങ്ങായി എനിക്കുണ്ടായിരുന്നു.
ഇക്കാന്റെ ഇണ്ടാസ് പിള്ളേര് കീറിയെറിഞ്ഞിരിക്കുന്നു. ആധികാരികമായ വിജയം SFI ക്ക് നൽകിയ മഞ്ചേരി എൻ എസ് എസ്സിലെ വിദ്യാർത്ഥികൾക്ക് അഭിവാദ്യങ്ങൾ’.- എന്നാണ് ആർഷോ ഫേസ്ബുക്കിൽ കുറിച്ചത്.
ഇന്നലെ തിരിച്ചെടുത്ത മഞ്ചേരി എന്‍എസ്എസ് കോളേജ് ഇളക്കം തട്ടാതെ അവിടെ തന്നെ കൊണ്ടുവെച്ചേക്കാന്‍ കോടതി പറഞ്ഞിട്ടുണ്ടെന്നും എല്ലാ സീറ്റുകളിലും മത്സരിക്കാന്‍ ഞങ്ങളുണ്ടെന്നുമുള്ള എംഎസ്എഫിന്റെ പികെ നവാസ് കഴിഞ്ഞ ദിവസം ഫേസ്ബുക്കില്‍ പോസ്റ്റ് ചെയ്തിരുന്നു. ഈ പശ്ചാത്തലത്തിലാണ് ആര്‍ഷോയുടെ മറുപടി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
