വീണ്ടും മുസ്ലിം വിരുദ്ധ പരാമർശങ്ങൾ നടത്തി പ്രധാനമന്ത്രി നരേന്ദ്ര മോദി. രാജ്യത്ത് വോട്ട് ജിഹാദെന്ന് പ്രധാനമന്ത്രി ആരോപിച്ചു. എസ്‌സി/എസ്‌ടി, ഒബിസി വിഭാഗങ്ങളുടെ സംവരണം മുസ്ലിം വിഭാഗത്തിന് നൽകാനാണ് ശ്രമമെന്നും, മുസ്ലിം വിഭാഗത്തിനെ വോട്ട് ബാങ്ക് ആക്കി മാറ്റുകയാണ് ഇന്ത്യ മുന്നണിയെന്നും മോദി ആരോപിച്ചു.
ഗുജറാത്തിലെ തെരഞ്ഞെടുപ്പ് റാലിയിലാണ് വീണ്ടും മോദി മുസ്ലിം വിരുദ്ധ പരാമർശം നടത്തിയത്. കോൺഗ്രസ് ഭരണഘടന മറ്റാൻ ശ്രമിക്കുന്നുവെന്ന് പ്രധാനമന്ത്രി ആരോപിച്ചു. ഭരണഘടന മാറ്റി പ്രത്യേക വിഭാഗത്തിന് സംവരണം നൽകില്ലെന്ന് കോൺഗ്രസിന് എഴുതി ഉറപ്പ് നൽകാൻ കഴിയുമോ എന്നും മോദി ചോദിച്ചു. കോൺഗ്രസ് ഇന്ത്യയിൽ ഇല്ലാതാകുമ്പോൾ പാകിസ്ഥാൻ കരയുന്നുവെന്നും, ലോകത്തിലെ ചില ശക്തികൾക്ക് ഇന്ത്യയിൽ ദുർബലമായ സർക്കാരിനെ ആണ് ആവശ്യമെന്നും മോദി പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
