വിവാഹം നിശ്ചയിച്ച കാമുകിയുടെ അമ്മ ചികിൽസയിലിരിക്കെ മരിച്ചു. കാമുകിയെ സന്തോഷിപ്പിക്കാനായി ആശുപത്രിയിൽ ബോംബ് വെച്ചിട്ടുണ്ടെന്ന് വ്യാജ ഭീഷണി മുഴക്കിയ യുവാവ് പൊലീസ് പിടിയിൽ. ബിഹാറിലെ പട്ന സ്വദേശിയായ അങ്കിത് പാസ്വാന്‍ ആണ് അറസ്റ്റിലായത്. ഹരിയാനയിലുള്ള ഫരീദാബാദിലെ സ്വകാര്യ ആശുപത്രിക്കെതിരെയാണ് ഇയാള്‍ വ്യാജ ബോംബ് ഭീഷണി മുഴക്കിയത്. സംഭവത്തെ തുടർന്ന് അന്വേഷണം ആരംഭിച്ച പൊലീസ് പ്രതിയെ പട്നയില്‍ നിന്ന് പിടികൂടുകയായിരുന്നു.
തുടർന്ന് പൊലീസ് ചോദ്യം ചെയ്തപ്പോൾ കാമുകിയുടെ അമ്മ മരിച്ചതിലുള്ള രോഷം തീർക്കാനായും കാമുകിയെ അമ്മ മരിച്ച ദു:ഖത്തിൽ നിന്നും ഒന്ന് മോചിപ്പിക്കാനുമായാണ് താൻ ഇത്തരത്തിൽ പ്രവർത്തിച്ചതെന്ന് അങ്കിത് പൊലീസിന് മൊഴി നൽകിയതായാണ് വിവരം. സംഭവത്തെ തുടർന്ന് അങ്കിതിനെ അറസ്റ്റു ചെയ്ത ഫരീദാബാദ് എസിപി (ക്രൈം) അമന്‍ യാദവ് ഇയാള്‍ ഭീഷണി മുഴക്കാന്‍ ഉപയോഗിച്ച ഫോണും സിം കാര്‍ഡും കണ്ടെത്തിയാലേ സംഭവത്തെക്കുറിച്ച് കൂടുതൽ വ്യക്തത വരൂ എന്ന് പറഞ്ഞു. സംഭവത്തിൽ പ്രതിയെ റിമാന്‍ഡ് ചെയ്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
