ജനസംഖ്യ കണക്കെടുപ്പ്, ദേശീയ കുടുംബാരോഗ്യ സര്‍വേ എന്നിവയിലൂടെയാണ് ബഹുഭാര്യത്വത്തെ കുറിച്ച് കൃത്യമായ വിവരം ലഭിക്കുന്നത്. വിവാഹിതരായ പുരുഷന്മാരെക്കാള്‍ കൂടുതല്‍ സ്ത്രീകളാണെങ്കില്‍ പുരുഷന്മാര്‍ ഒന്നിലേറെ വിവാഹം കഴിച്ചതായോ അല്ലെങ്കില്‍ വിദേശത്താണെന്നോ ആണ് കണക്കാക്കപ്പെടുന്നത്.
2019 – 21ലെ കുടുംബാരോഗ്യ സര്‍വേയിലെ കണക്കുകളാണ് ഇപ്പോള്‍ പുറത്തുവന്നിരിക്കുന്നത്. രാജ്യത്തെ ബഹുഭാര്യത്വ നിരക്ക് കുറഞ്ഞതായാണ് പുതിയ സര്‍വേ റിപ്പോര്‍ട്ടിലെ വിവരം വ്യക്തമാക്കുന്നത്. 2005 -ല 2006 കാലയളവില്‍ 1.9 ശതമാനമായിരുന്ന ബഹുഭാര്യത്വ നിരക്ക് പുതിയ റിപ്പോര്‍ട്ട് പ്രകാരം 1.4 ശതമാനമായി കുറഞ്ഞിട്ടുണ്ട്.
ALSO READ: സാമ്പത്തിക പ്രതിസന്ധി; കേരളവും കേന്ദ്രവും തമ്മിലുള്ള സുപ്രീം കോടതി നിര്‍ദേശിച്ച ചര്‍ച്ച നാളെ
ഭര്‍ത്താവിന് നിങ്ങള്‍ക്ക് പുറമേ മറ്റ് ഭാര്യമാരുണ്ടോ എന്നൊരു ചോദ്യം കുടുംബാരോഗ്യ സര്‍വേയില്‍ ഉള്‍പ്പെടുത്തിയിരുന്നു. 2019 -21 കാലയളവിലെ സര്‍വേയില്‍ ക്രിസ്തുമത വിശ്വാസികള്‍ക്കിടയിലാണ് ബഹുഭാര്യത്വം ഏറ്റവുമധികം ഉള്ളതെന്ന് റിപ്പോര്‍ട്ട് വ്യക്തമാക്കുന്നു. ഇത് 2.1 ശതമാനമാണ്. മുസ്ലീങ്ങള്‍ക്കിടയില്‍ ഇത് 1.9 ശതമാനവും ഹിന്ദുക്കള്‍ക്കിടയില്‍ 1.3 ശതമാനവുമാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
