പത്താംദിവസവും ബോക്സോഫീസിൽ കുതിപ്പ് തുടർന്ന് പൊന്നിയിൻ സെല്‍വന്‍ 2. ഏപ്രില്‍ 28 ന് ലോകമെമ്പാടും പ്രദർശനത്തിനെത്തിയ ചിത്രത്തിൻ്റെ 10 ദിവസത്തെ കളക്ഷൻ റിപ്പോർട്ടാണ് പുറത്ത് വന്നിട്ടുള്ളത്. വലിയ ബോക്സ് ഓഫീസ് വിജയം നേടിയ ചിത്രത്തിന്റെ രണ്ടാം ഭാഗം ആയതിനാല്‍ത്തന്നെ വന്‍ പ്രതീക്ഷയോടെ എത്തിയ ചിത്രമായിരുന്നു പി എസ് 2. മികച്ച ഇനിഷ്യല്‍ നേടിയ ചിത്രം ബോക്സോഫീസിൽ വൻ കുതിപ്പ് തുടരുന്നതായിട്ടാണ് റിപ്പോർട്ടുകൾ
തമിഴ്‍നാട്ടില്‍ നിന്ന് മാത്രം ചിത്രം 100 കോടി കളക്ഷൻ കടന്നു കഴിഞ്ഞു. വിദേശ മാര്‍ക്കറ്റുകളില്‍ നിന്ന് അതിലുമധികം കളക്ഷൻ നേടിയിട്ടുണ്ട് ചിത്രം. പ്രമുഖ ട്രാക്കര്‍മാരായ ലെറ്റ്സ് സിനിമയുടെ കണക്ക് പ്രകാരം 118.60 കോടിയാണ് വിദേശ മാര്‍ക്കറ്റുകളില്‍ നിന്നുള്ള ചിത്രത്തിന്റെ ആകെ നേട്ടം. ആഗോള ബോക്സ് ഓഫീസില്‍ നിന്ന് ആദ്യ 10 ദിനങ്ങളില്‍ ചിത്രം ആകെ നേടിയ ഗ്രോസ് 270 കോടി ആണെന്നും ലെറ്റ്സ് സിനിമ റിപ്പോര്‍ട്ട് ചെയ്യുന്നു.
വിക്രം, കാർത്തി, ജയം രവി, ഐശ്വര്യ റായ് ബച്ചൻ, ജയറാം, തൃഷ കൃഷ്‍ണന്‍, റഹ്മാൻ, പ്രഭു, ജയറാം, ശരത് കുമാർ, വിക്രം പ്രഭു, ബാബു ആൻ്റണി, റിയാസ് ഖാൻ, ലാൽ, അശ്വിന്‍ കാകുമാനു, റിയാസ് ഖാന്‍, ശോഭിത ധൂലിപാല, ഐശ്വര്യ ലക്ഷ്‍മി, ജയചിത്ര തുടങ്ങി ഇന്ത്യന്‍ സിനിമയിലെ തന്നെ നിരവധി പ്രമുഖ താരങ്ങളാണ് ചിത്രത്തിൽ വേഷമിട്ടിരിക്കുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
