‘ചരിത്രത്തെ വളച്ചൊടിക്കുന്ന കാലഘട്ടം, മഹാത്മാഗാന്ധി മരണപ്പെട്ടുവെന്ന് പത്രങ്ങൾ തന്നെ പറയുന്നു’: പ്രകാശ്‌ രാജ്

ചരിത്രത്തെ വളച്ചൊടിക്കുന്ന കാലഘട്ടമാണെന്ന് നടൻ പ്രകാശ് രാജ് . മഹാത്മാഗാന്ധി മരണപ്പെട്ടതാണെന്ന് പത്രങ്ങൾ തന്നെ പറയുന്ന കാലമാണ്. മഹാത്മാഗാന്ധി മതതീവ്രവാദിയാൽ കൊല്ലപ്പെട്ടൂവെന്ന് പറയാൻ മടിക്കുന്ന കാലമാണിതെന്നും അദ്ദേഹം പറഞ്ഞു. ഡിഗ്രിയില്ലാത്ത പ്രധാനമന്ത്രി ആണെന്നും അദ്ദേഹം പറഞ്ഞു. നിയമസഭാ പുസ്തോകത്സവത്തിലെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

കേരളത്തിൻ്റെ വളർത്ത് പുത്രൻ എന്ന് പലരും തമാശയായി തന്നെപ്പറ്റി പറയാറുണ്ട് എന്നും പ്രകാശ് രാജ് പറഞ്ഞു. സഭയിൽ ഏറെ പുസ്തകങ്ങൾ, അതിനിടയിലൂടെ ജനങ്ങൾ , വലിയ സന്തോഷം തോന്നി എന്നും പ്രകാശ് രാജ് വ്യക്തമാക്കി.

also read:പ്രൊഫ.കെ വി തോമസിൻ്റെ എന്റെ കുമ്പളങ്ങി കഥകൾ എന്ന പുസ്തകത്തിൻ്റെ മൂന്നാം ഭാഗം പ്രകാശനം ചെയ്തു

അതേസമയം ലോക പുസ്തക തലസ്ഥാനമായി തിരുവനന്തപുരത്തെ പരിഗണിക്കാൻ യുനെസ്കോയ്ക്ക്അപേക്ഷ നൽകും.മുഖ്യമന്ത്രിയാണ് ഉദ്ഘാടന സമ്മേളനത്തിൽ ഈ നിർദ്ദേശം വച്ചത്. ഈ നിർദ്ദേശം പൂർണമായി അംഗീകരിക്കുന്നു എന്നും സ്പീക്കർ പറഞ്ഞു. പുസ്തകോത്സവം വൻ വിജയമായി മാറി,ഇന്ത്യയിലെ ഒരു നിയമസഭയ്ക്കും നടത്താൻ കഴിയാത്ത നേട്ടം രാജ്യത്ത് നടക്കുന്ന ഫാസിസത്തിന് എതിരെയുള്ള ചെറുത്തുനിൽപ്പ്ആണ് ഈ പുസ്തകോത്സവം എന്നും മുഖ്യമന്ത്രി പറഞ്ഞു.

കുട്ടികൾക്ക് വായനയ്ക്ക് ഗ്രേസ് മാർക്ക് ഏർപ്പെടുത്തും. നടപടികൾ തുടരുന്നതായി വിദ്യാഭ്യാസ വകുപ്പ് മന്ത്രി വി. ശിവൻകുട്ടി പറഞ്ഞു. പത്രവായന, പുസ്തകവായന എന്നിവ വിലയിരുത്തി ആയിരിക്കും മാർക്കുകൾ നിശ്ചയിക്കുക, നിയമസഭ പുസ്തകോത്സവ സമാപന വേദിയിലാണ് മന്ത്രിയുടെ പ്രഖ്യാപനം.