ഗവൺമെന്റ് ആശുപത്രിയുടെ ഓപ്പറേഷൻ തിയറ്ററിനുള്ളിൽ പ്രീ വെഡ്ഡിംഗ് വീഡിയോ ഷൂട്ട് നടത്തിയ ഡോക്ടറെ പിരിച്ചുവിട്ടു. കർണാടക ചിത്രദുർഗയിലെ ഒരു ഗവൺമെന്റ് ആശുപത്രിയിലാണ് സംഭവമുണ്ടായത്. ഷൂട്ടിന്റെ ദൃശ്യങ്ങൾ സോഷ്യൽ മീഡിയയിൽ വൈറലായതിനെത്തുടർന്നാണ് ഡോക്ടർക്കെതിരെ നടപടിയുണ്ടായത്.
ഭരമസാഗറിലെ ജില്ലാ ആശുപത്രിയിൽ കരാർ അടിസ്ഥാനത്തിൽ ജോലി ചെയ്യുകയായിരുന്ന അഭിഷേക് എന്ന ഡോക്ടറുടെ വെഡിങ് ഷൂട്ടാണ് വൈറലായത്. ആശുപത്രി, മെഡിക്കൽ നടപടികളുമായി ബന്ധപ്പെടുത്തിയാണ് വീഡിയോ ചിത്രീകരണം നടത്തിയത്. ശസ്ത്രക്രിയ നടത്തുന്ന ഡോക്ടറെ പ്രതിശുദ്ധ വധു സഹായിക്കുന്നതാണ് വീഡിയോയിലുള്ളത്. വീഡിയോയുടെ അവസാനം രോഗി ഓപ്പറേഷനിടെ എഴുന്നേറ്റിരിക്കുന്നതും കാണാൻ സാധിക്കും. ലൈറ്റിങ്ങുകളൊക്കെ പൂർണമായി സജ്ജീകരിച്ചാണ് ഷൂട്ട് നടത്തിയത്. ക്യാമറാമാന്‍മാരടക്കമുള്ളവർ വീഡിയോ ചിത്രീകരിക്കുമ്പോള്‍ ചിരിക്കുന്നതും കേള്‍ക്കാം.
video of doctor who thought it was a cool idea to do a pre-wedding shoot inside the Operation Theatre of government hospital where he worked. @MoHFW_INDIA @KarnatakaHealth pic.twitter.com/3AZSGFgjxn
— Chetana Belagere (@chetanabelagere) February 10, 2024
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
