‘ആരോഗ്യമുള്ള കുഞ്ഞുങ്ങളുണ്ടാകാൻ’ ഗർഭിണികൾ സുന്ദരകാണ്ഡം ജപിക്കണം; തെലങ്കാന ഗവർണർ

ഗർഭിണികൾ അവരുടെ കുഞ്ഞുങ്ങളുടെ മാനസികവും ശാരീരികവുമായ ക്ഷേമം ഉറപ്പാക്കാൻ ‘സുന്ദർകാണ്ഡം’ ജപിക്കാൻ തുടങ്ങണമെന്നും രാമായണം പോലുള്ള ഇതിഹാസങ്ങൾ വായിക്കാൻ തുടങ്ങണമെന്നും തെലങ്കാന ഗവർണർ തമിഴിസൈ സൗന്ദരരാജൻ. ആർഎസ്എസ് ബന്ധമുള്ള സംവർദ്ധിനി ന്യാസ് എന്ന സംഘടന സംഘടിപ്പിച്ച ‘ഗർഭ സംസ്ക്കാരം’ പരിപാടിയുടെ ഉദ്ഘാടന വേളയിലാണ് ഗൈനക്കോളജിസ്റ്റുകൂടിയായ തെലങ്കാന ഗവർണർ ഇക്കാര്യം പറഞ്ഞത്.

സംവർദ്ധിനി ന്യാസ്, രാഷ്ട്രീയ സ്വയംസേവക സംഘവുമായി (ആർഎസ്എസ്) അഫിലിയേറ്റ് ചെയ്തിട്ടുള്ള രാഷ്ട്ര സേവികാ സംഘിന്റെ ഭാഗമാണ്. സ്രോതസ്സുകൾ ഈ പരിപാടിയിൽ ഡോക്ടർമാരുടെ കുറിപ്പടികളിൽ ഭഗവദ് ഗീത പോലുള്ള മതഗ്രന്ഥങ്ങൾ വായിക്കുക, സംസ്‌കൃത മന്ത്രങ്ങൾ ചൊല്ലുക, യോഗ പരിശീലിക്കുക തുടങ്ങിയ പ്രവർത്തനങ്ങൾ ഉൾപ്പെടുത്തുന്നു. ഗർഭധാരണത്തിനുമുമ്പ് മുതൽ പ്രസവം വരെയും കുഞ്ഞിന്റെ രണ്ടാം വർഷം വരെയും ഇത് പിന്തുടരാൻ അമ്മമാരുടെ കുടുംബാംഗങ്ങൾക്ക് മാർഗനിർദേശവും സംഘടന ചെയ്യുന്നു.

Also Read: ജന്മദിനാഘോഷത്തില്‍ പങ്കെടുത്ത് ഭര്‍തൃവീട്ടില്‍ തിരിച്ചെത്തിയ യുവതി മരിച്ച നിലയില്‍; അന്വേഷണം വേണമെന്ന് ബന്ധുക്കള്‍

ശാസ്ത്രീയപരവും പരമ്പരാഗതവുമായി വിദ്യകൾ സംയോജിപ്പിച്ചുകൊണ്ട് ഗർഭിണികളുടെ ക്ഷേമത്തിനായി വിഭാവനം ചെയ്ത് പദ്ധതിയിൽ സംസ്‌കാരവും ദേശഭക്തിയും ഒത്തുചേർന്ന കുഞ്ഞുങ്ങൾക്ക് ജന്മം നൽകാനുള്ള ‘കുറിപ്പടികളും’ നൽകും. ഭഗവതിഗീത വായിക്കുക, സംസ്‌കൃത മന്ത്രങ്ങൾ ഉരുവിടുക, യോഗ അഭ്യസിക്കുക എന്നിവയാകും കുറിപ്പടിയിൽ ഉൾപ്പെടുത്തുക.

‘ഗ്രാമങ്ങളിൽ രാമയണം പോലുള്ള ഇതിഹാസങ്ങൾ ഗർഭിണികൾ വായിക്കുന്നത് കാണാറുണ്ടായിരുന്നു. ഗർഭസ്ഥ ശിശുവിന്റെ മാനസികവും ശാരീരകവുമായ ആരോഗ്യത്തിന് രാമായണത്തിലെ സുന്ദരകാണ്ഡം എന്ന ഭാഗം ഉരുവിടുന്നത് നല്ലതാണ്’- തെലങ്കാന ഗവർണർ പറഞ്ഞു.

സംഘടനയുടെ ഒരു മുതിർന്ന പ്രവർത്തകൻ പറയുന്നതനുസരിച്ച്, സംവർദ്ധിനി ന്യാസുമായി ബന്ധപ്പെട്ട ഡോക്ടർമാരാൽ ‘ഗർഭ സംസ്‌കാർ’ പദ്ധതി രാജ്യവ്യാപകമായി നടപ്പിലാക്കും.

ഇതിനായി രാജ്യത്തെ അഞ്ച് മേഖലകളായി തിരിച്ചിട്ടുണ്ടെന്നും അഞ്ച് മേഖലകളിൽ ഓരോന്നിലും 10 ഡോക്ടർമാരുടെ ഒരു സംഘം പദ്ധതി നടപ്പാക്കുമെന്നും സംവർദ്ധിനി ന്യാസ് ഭാരവാഹി പറഞ്ഞു. ഈ ഡോക്ടർമാരിൽ ഓരോരുത്തരും അവരവരുടെ പ്രദേശങ്ങളിൽ 20 ഗർഭധാരണ കേസുകൾ എടുത്ത് തുടങ്ങും.
പരിപാടിയുടെ നടത്തിപ്പിന് മേൽനോട്ടം വഹിക്കാൻ ആയുർവേദ, ഹോമിയോപ്പതി, അലോപ്പതി ഡോക്ടർമാരും വിഷയ വിദഗ്ധരും അടങ്ങുന്ന എട്ടംഗ കേന്ദ്രസംഘം രൂപീകരിച്ചിട്ടുണ്ടെന്നും അവർ കൂട്ടിച്ചേർത്തു.

Also Read: ഹിന്ദുത്വവും ക്ഷേത്രങ്ങളും ദൈവങ്ങളും ബി.ജെ.പിയുടെ സ്വകാര്യ സ്വത്തല്ല; ഡി.കെ. ശിവകുമാര്‍