ഉച്ചയ്ക്ക് ചോറിനൊപ്പം കഴിക്കാന്‍ തയ്യാറാക്കാം ടേസ്റ്റി അയക്കൂറ ഫ്രൈ

മത്സ്യപ്രിയരുടെ പ്രിയപ്പെട്ട ഒന്നാണ് നെയ്മീന്‍ എന്നറിയപ്പെടുന്ന അയക്കൂറ. അയക്കൂറ കൊണ്ട് ടേസ്റ്റി ആയിട്ടുള്ള ഒരു ഫ്രൈ തയ്യാറാക്കാം.

ചേരുവകള്‍

അയക്കൂറ (നെയ്മീന്‍)- 2 കഷ്ണങ്ങള്‍

ഉപ്പ് -പാകത്തിന്

കറിവേപ്പില- 1 തണ്ട്

നാരങ്ങ നീര്- 10 മില്ലി

മഞ്ഞള്‍പ്പൊടി- 2 ഗ്രാം

കുരുമുളക് പൊടി- 5 ഗ്രാം

കശ്മീരി മുളകുപൊടി- 15 ഗ്രാം

ഇഞ്ചി അരിഞ്ഞത്- 10 ഗ്രാം

വെളുത്തുള്ളി അരിഞ്ഞത്- 10 ഗ്രാം

ചെറിയ ഉള്ളി അരിഞ്ഞത്- 50 ഗ്രാം

വെളിച്ചെണ്ണ- 85 മില്ലി

Also Read: ഉണക്കമുന്തിരി കുതിര്‍ത്ത വെള്ളം കുടിക്കൂ; ഗുണങ്ങള്‍ ഏറെ

തയ്യാറാക്കുന്ന വിധം

അയക്കൂറ കഷണങ്ങളായി മുറിച്ചെടുക്കണം. ശേഷം ഉപ്പ്, കുരുമുളക്, മഞ്ഞള്‍പ്പൊടി, നാരങ്ങ നീര്, കാശ്മീരി മുളകുപൊടി എന്നിവ മിക്‌സ് ചെയ്തിന് ശേഷം മത്സ്യം ഈ പേസ്റ്റ് ഉപയോഗിച്ച് നന്നായി മാരിനേറ്റ് ചെയ്യുക. ബാക്കിയുള്ള ഈ പേസ്റ്റിലേയ്ക്ക് വെളുത്തുള്ളി, ഇഞ്ചി, ചെറിയ ഉള്ളി, കറിവേപ്പില എന്നിവ ചേര്‍ത്ത് നന്നായി ഇളക്കുക.

വെളിച്ചെണ്ണ ഉപയോഗിച്ച് മീന്‍ ഫ്രൈ ചെയ്യുക. മീന്‍ പകുതി വേവിച്ചു കഴിഞ്ഞാല്‍, തയ്യാറാക്കിയ മസാല മത്സ്യത്തിന്റെ ഇരുവശങ്ങളിലും പുരട്ടി 5 മുതല്‍ 8 മിനിറ്റ് വരെ ചെറിയ തീയില്‍ വേവിക്കുക. അരിഞ്ഞ പച്ചക്കറികള്‍ ഹൃദയാകൃതിയില്‍ ഒരു പ്ലേറ്റില്‍ അടുക്കിയശേഷം തയ്യാറാക്കിയ മത്സ്യം വെച്ച് അലങ്കരിക്കാം. ചോറിനൊപ്പം കഴിയ്ക്കാന്‍ ഉഗ്രന്‍ ഫിഷ് ഫ്രൈ റെഡി.