ഉത്തരാഖണ്ഡിലെ ഹരിദ്വാർ ജില്ലാ ജയിലിൽ നിന്ന് രണ്ട് തടവുകാർ രക്ഷപ്പെട്ടു. കഴിഞ്ഞ ദിവസം ജയിലിൽ നടന്ന രാമലീല നാടകത്തിൽ വേഷമിട്ട രണ്ട് പേരാണ് അധികൃതരുടെ കണ്ണുവെട്ടിച്ച് ജയിൽ ചാടിയത്. ഇതിൽ ഒരാൾ കൊലക്കേസ് പ്രതിയാണ്.
ALSO READ; കമലയ്ക്കുവേണ്ടി പാട്ടുപാടി എആർ റഹ്മാൻ: മ്യൂസിക് വീഡിയോ ഉടൻ പുറത്തിറങ്ങും
ഉത്തരാഖണ്ഡ് റൂർക്കെ സ്വദേശിയായ പങ്കജ്, യുപി ഗോണ്ട സ്വദേശി രാജ്കുമാർ എന്നിവരാണ് ജയിൽ ചാടിയത്. രാമലീല നാടകത്തിലെ സീതാദേവിയെ തേടിപ്പോകുന്ന വാനരസംഘത്തിലെ അംഗങ്ങളായിരുന്നു ഇരുവരും. ഈ രംഗത്തിനിടെയാണ് ഇവർ ജയിൽ ചാടിയത്. രംഗം അവസാനിച്ചിട്ടും ഇവർ തിരികെ വരാഞ്ഞതോടെയാണ് ഇവർ മുങ്ങിയ വിവരം ജയിൽ അധികൃതർക്ക് അറിയാൻ കഴിഞ്ഞത്.
ALSO READ; കുട്ടികളുടെ സംരക്ഷണത്തെച്ചൊല്ലി തർക്കം; മഹാരാഷ്ട്രയിൽ ഭാര്യയെ കുത്തിക്കൊന്ന യുവാവ് അറസ്റ്റിൽ
അതേസമയം ഇവർക്കുവേണ്ടി നഗരത്തിന്റെ മുക്കും മൂലയും അരിച്ചുപെറുക്കുകയാണ് ഹരിദ്വാർ പൊലീസ്. ഇതിനൊപ്പം ജയിലിലെ സുരക്ഷാ വീഴ്ചയെക്കുറിച്ചും അന്വേഷണം നടക്കുന്നുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
