പുൽപ്പള്ളി സഹകരണ ബാങ്ക് തട്ടിപ്പ്; കോൺഗ്രസ് നേതാവ് കെ കെ എബ്രഹാമിനെ ഇന്നും ചോദ്യം ചെയ്യും

കോഴിക്കോട് ഇ ഡി കസ്റ്റഡിയിലുള്ള കോൺഗ്രസ് നേതാവ് കെ കെ എബ്രഹാമിനെ ചോദ്യം ചെയ്യുന്നു. പുൽപ്പള്ളി സഹകരണ ബാങ്ക് തട്ടിപ്പ് കേസിലാണ് ചോദ്യം ചെയ്യൽ. നാളെ വൈകിട്ട് 4 മണി വരെയാണ് കെ കെ എബ്രഹാമിനെ, ഇ ഡി കസ്റ്റഡിയിൽ വിട്ടത്.

Also read:പാൻ കാർഡ് നഷ്ടമായാൽ ടെൻഷൻ വേണ്ട… ഓൺലൈനായി പുതിയതൊന്ന് എടുക്കാം

കോഴിക്കോട് ഇ ഡി യൂണിറ്റ് കസ്റ്റഡിയിലുള്ള കെ പി സി സി മുൻ ജനറൽ സെക്രട്ടറി കെ കെ എബ്രഹാമിനെ ചോദ്യവലി തയ്യാറാക്കിയാണ് അന്വേഷണ സംഘം ചോദ്യം ചെയ്യുന്നത്. പ്രതികളുടെ വീടുകളിൽ നിന്നും ബാങ്കിൽ നിന്നും ഇ ഡി ശേഖരിച്ച വിവരങ്ങൾ അടിസ്ഥാനമാക്കിയാണ് ചോദ്യം ചെയ്യൽ. പുൽപ്പള്ളി സഹകരണ ബാങ്ക് തട്ടിപ്പ് കേസിൽ ഒന്നാം പ്രതിയായ കോൺഗ്രസ് നേതാവിൽ നിന്ന് കൂടുതൽ വിവരങ്ങൾ ലഭിക്കേണ്ടതുണ്ട്.

Also read:ഡൽഹി ടെക്നോളോജിക്കൽ സർവകലാശാല: പിഎച്ച്ഡിക്ക് അപേക്ഷ ക്ഷണിച്ചു

ഫെബ്രവരിയിലാണ് കള്ളപ്പണ നിരോധന നിയമപ്രകാരം ഇ ഡി കേസെടുത്തത്. എബ്രഹാം പ്രസിഡൻ്റായിരിക്കെ 8 കോടിയോളം രൂപയുടെ വായ്പാ തട്ടിപ്പ് പുൽപ്പള്ളി സഹകരണ ബാങ്കിൽ നടന്നിരുന്നു. തുച്ഛമായ വിലയുള്ള ഭൂമിക്ക് ബിനാമി വായ്പകൾ അനുവദിച്ച് തട്ടിപ്പ് നടത്തിയെന്നാണ് കേസ്.

Also read:ദിവസവും ‘ഉള്ളി’ ഉപയോഗിക്കുന്നവരാണോ? നിങ്ങള്‍ എങ്കില്‍ ഇതറിയാതെ പോകരുത് !

കേസിൽ എബ്രഹാമിൻ്റെ വിശ്വസ്തനും ഇടനിലക്കാരനുമായ കോൺഗ്രസ് നേതാവ് സജീവൻ കൊല്ലപ്പളിയെ ഇ ഡി അറസ്റ്റ് ചെയ്തിരുന്നു. കോൺഗ്രസ് നേതാക്കളുടെ തട്ടിപ്പിൽ 38 കർഷകരാണ് ഇരയായത്. വിജിലൻസ് കേസിൽ അന്വേഷണം പൂർത്തിയാക്കി കുറ്റപത്രം സമർപ്പിച്ചിട്ടുണ്ട്. സഹകരണ വകുപ്പ് നടത്തിയ പരിശോധനയിലാണ് തട്ടിപ്പ് പുറത്ത് വന്നത്.