അല്ലു അര്‍ജുന്റെ ചിത്രമായ പുഷ്പ 2 ദ റൂള്‍ ലോകമെമ്പാടുമുള്ള ബോക്സ് ഓഫീസില്‍ ഏറ്റവും കൂടുതല്‍ കളക്ഷന്‍ നേടിയ മൂന്നാമത്തെ ഇന്ത്യന്‍ ചിത്രമായി മാറി. ഇന്‍ഡസ്ട്രി ട്രാക്കര്‍ Sacnilk.com റിപ്പോർട്ട് പ്രകാരമാണിത്.
എസ്എസ് രാജമൗലിയുടെ ഇതിഹാസമായ RRR (1,230 കോടി ഗ്രോസ്), യാഷിന്റെ KGF: ചാപ്റ്റര്‍ 2 (1,215 കോടി) എന്നിവയുടെ ലോകമെമ്പാടുമുള്ള കലക്ഷനെയാണ് പുഷ്പ 2 മറികടന്നത്. രാജമൗലിയുടെ ബാഹുബലി 2 (1,790 കോടി), ആമിര്‍ ഖാന്റെ ദംഗല്‍ (2,070 കോടി) എന്നിവ മാത്രമാണ് അല്ലു അര്‍ജുന്റെ സിനിമയ്ക്ക് മുന്നിലുള്ള ഏറ്റവും വലിയ രണ്ട് ഇന്ത്യന്‍ സിനിമകള്‍.
Read Also: കങ്കുവയുടേയും ഗോട്ടിന്റെയും പരാജയത്തെ കുറിച്ച് ചോദ്യം; കിടിലന്‍ മറുപടിയുമായി വിജയ് സേതുപതി
ഉടനെ ബാഹുബലി 2-നെ മറികടന്ന് രണ്ടാം സ്ഥാനത്തെത്തിയേക്കാമെന്ന് സൂചനയുണ്ട്. ഇന്ത്യന്‍ ബോക്സ് ഓഫീസില്‍, ബാഹുബലി 2 (1,417 കോടി), കെജിഎഫ്: ചാപ്റ്റര്‍ 2 (1,000 കോടി) എന്നിവയ്ക്ക് ശേഷം കളക്ഷനിലെ മൂന്നാമത്തെ ചിത്രമായി പുഷ്പ 2 മാറി. ഇത് ഉടന്‍ തന്നെ ഇന്ത്യയില്‍ 1000 കോടി രൂപ പിന്നിടുമെന്ന് പ്രതീക്ഷിക്കുന്നു. 12 ദിവസം പിന്നിട്ടപ്പോള്‍ ചിത്രം ഇന്ത്യയില്‍ നിന്ന് നേടിയത് 929.85 കോടി രൂപയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
