ബാലസംഘം സംസ്ഥാന രക്ഷാധികാരി സമിതിയുടെ പ്രഥമ പ്രസിഡണ്ട് ആയിരുന്ന പി വി കെ കടമ്പേരിയുടെ നാമധേയത്തില്‍ ബാലസംഘം സംസ്ഥാന കമ്മിറ്റിയും കടമ്പേരി സ്മാരക ട്രസ്റ്റും ചേര്‍ന്ന് നല്‍കിവരുന്ന കുട്ടികളുടെ രംഗത്തെ പ്രതിഭകള്‍ക്കുള്ള അവാര്‍ഡ് റൗള്‍ ജോണ്‍ അജുവിന്.ഇടപ്പള്ളി സര്‍ക്കാര്‍ സ്‌കൂളിലെ ഒമ്പതാം ക്ലാസ് വിദ്യാര്‍ത്ഥി റൗള്‍ ജോണ്‍ അമേരിക്കന്‍ വിദ്യാര്‍ത്ഥികള്‍ക്ക് ഓണ്‍ലൈനില്‍ ക്ലാസെടുത്തു ശ്രദ്ധേയനായിരുന്നു. ഭാവി സാങ്കേതികവിദ്യയുമായി ബന്ധപ്പെട്ട ഓണ്‍ലൈന്‍ ക്ലാസില്‍ സഹായിക്കാന്‍ റൗള്‍ ജോണ്‍ അജുവിന് സ്വന്തമായി നിര്‍മ്മിച്ച റോബോട്ടുണ്ട്. യുഎസ് വിദ്യാര്‍ത്ഥികളെ ഗൂഗിള്‍ മീറ്റ് വഴി ബന്ധപ്പെടുന്നു. ഇന്‍സൈറ്റ് ഫോര്‍ കിഡ്സ് എന്ന സ്‌കൂളാണ് ഈ സേവനം ഉപയോഗിക്കുന്നത്.
നാല്‍പ്പതോളം വിദ്യാര്‍ത്ഥികളുള്ള ക്ലാസില്‍ സ്ഥാപിച്ചിരിക്കുന്ന സ്‌ക്രീനില്‍ അവര്‍ക്ക് റൗളിനെ തത്സമയം കാണാന്‍ കഴിയും. രണ്ടാം ക്ലാസ് മുതല്‍ പത്താം ക്ലാസ് വരെയുള്ള വിദ്യാര്‍ത്ഥികള്‍ റൗളിന്റെ ആശയങ്ങള്‍ ശ്രദ്ധിക്കുന്നു. ആര്‍ട്ടിഫിഷ്യല്‍ ഇന്റലിജന്‍സിന്റെ ട്രെന്‍ഡുകളും നേട്ടങ്ങളും അവതരിപ്പിക്കുന്നു. റൗള്‍ മൂന്ന് വര്‍ഷം മുമ്പാണ് ഭാവി സാങ്കേതികവിദ്യയില്‍ താല്‍പ്പര്യം പ്രകടിപ്പിച്ചത്. ശാസ്ത്രീയ സൈറ്റുകളില്‍ കാണുന്ന കാര്യങ്ങള്‍ ക്രമേണ പ്രയോഗത്തില്‍ വരുത്തി. മാസങ്ങള്‍ നീണ്ട പരിശ്രമത്തിനൊടുവില്‍ ‘മീബോട്ട്’ പിറന്നു. തുടക്കത്തില്‍ ഒരു കമ്പ്യൂട്ടര്‍ ഗെയിം പോലെ രൂപകല്പന ചെയ്ത റോബോട്ടിന് പിന്നീട് AI യുടെ സഹായത്തോടെ ജീവന്‍ നല്‍കി. Me-BOT ഏത് ചോദ്യത്തിനും നീങ്ങാനും കണ്ണടയ്ക്കാനും ഉത്തരം നല്‍കാനും കഴിയും. ഭാവിയിലെ സാങ്കേതികവിദ്യയെക്കുറിച്ചുള്ള അറിവ് നിരവധി ആളുകള്‍ ശ്രദ്ധിച്ചതിന് ശേഷമാണ് റൗള്‍ ജോണ്‍ തന്റെ യൂട്യൂബ് ചാനല്‍ ആരംഭിച്ചത്. സങ്കീര്‍ണ്ണമായ കാര്യങ്ങള്‍ ഗെയിം ശൈലിയില്‍ അവതരിപ്പിക്കും. ക്ലബ്ബ് ഹൗസിലെ ചര്‍ച്ചകളില്‍ വിദേശത്തുള്ള സ്റ്റഡി പ്ലാറ്റ്ഫോമുകള്‍ റൗളിന്റെ കഴിവുകള്‍ തിരിച്ചറിഞ്ഞു. അമേരിക്കന്‍ വിദ്യാര്‍ത്ഥികള്‍ക്കുള്ള ക്ലാസുകള്‍ അവധി ദിവസങ്ങളിലാണ്. റൗള്‍ ഉറങ്ങുമ്പോള്‍ ചോദ്യങ്ങള്‍ വന്നാല്‍ റൗളിന്റെ ശബ്ദത്തില്‍ റോബോട്ട് മറുപടി പറയും. സാങ്കേതികവിദ്യയില്‍ പുതിയതലമുറ ആകര്‍ഷകമായി കടന്നു വരുന്നതിന്റെ അടയാളമാണ് റൗള്‍ ജോണ്‍ അജു.
ALSO READ:പുഴയില്‍ തിരച്ചിലിന് മുങ്ങല്‍ വിദഗ്ദരുടെ സഹായം തേടി പൊലീസ്
ഇടപ്പള്ളി അമൃതനഗര്‍ സ്വദേശി അജു ജോസഫ് ഷീബ ദമ്പതികളുടെ മകനാണ് റൗള്‍ ജോണ്‍.കേരളത്തിന്റെ പുതു തലമുറക്ക് ദിശാബോധം പകര്‍ന്ന കുട്ടികളുടെ പ്രസ്ഥാനം ബാലസംഘത്തിന്റെ സംസ്ഥാന രക്ഷാധികാരി സമിതിയുടെ പ്രഥമ പ്രസിഡണ്ട്, ഗ്രന്ഥശാല പ്രവര്‍ത്തകന്‍, ജനകീയനായ ജനപ്രതിനിധി, അദ്ധ്യാപക സംഘടനാ നേതാവ്, എഴുത്തുകാരന്‍, ജീവിതമാകെ സ്‌നേഹം കൊണ്ട് അടയാളപ്പെടുത്തിയ കുട്ടികളുടെ പ്രിയ്യപ്പെട്ട കടമ്പേരി മാഷിന്റെ സ്മരണയാണ് ഈ പുരസ്‌കാരം.പുതുകാലത്തെ ആവിഷ്‌കരിക്കുന്ന നിര്‍മ്മിത ബുദ്ധിയുടെ മഹാ രഹസ്യങ്ങള്‍ ലോകത്തിന് പരിചയപ്പെടുത്തുന്ന പ്രതിഭയാണ് റൗള്‍ ജോണ്‍ അജു. ഇത് വിലയിരുത്തി ആണ് പിവികെ കടമ്പേരി ട്രസ്റ്റും ബാലസംഘം സ്റ്റേറ്റ് കമ്മിറ്റിയും ഏറെടുത്തിയ കടമ്പേരി പുരസ്‌കാരത്തിന് റൗളിനെ തിരഞ്ഞെടുത്തത്.
ആഗസ്ത് 3 കടമ്പേരിയില്‍ വെച്ച് നടക്കുന്ന അനുസ്മരണ സമ്മേളനത്തില്‍ പുരസ്‌കാരം വിതരണം ചെയ്യും. അനുസ്മരണ സമ്മേളനം അഡ്വ. കെ എസ് അരുണ്‍കുമാര്‍ ഉദ്ഘാടനം ചെയ്യും.ചിത്രന്‍ കുഞ്ഞിമംഗലം രൂപകല്‍പ്പന ചെയ്ത ശില്പവും പ്രശംസാപത്രവും 10001 രൂപയും അടങ്ങുന്നതാണ് അവാര്‍ഡ
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
