പഴമുണ്ടോ വീട്ടില്‍? എങ്കില്‍ ചപ്പാത്തിയുണ്ടാക്കാം നല്ല സോഫ്റ്റായി

സോഫ്റ്റായ ചപ്പാത്തി ഇഷ്ടമില്ലാത്തവരായി ആരും ഉണ്ടാകില്ല. രാത്രിയില്‍ ഡിന്നറിനായി നല്ല മൃദുവായ ചപ്പാത്തിയുണ്ടാക്കുന്നത് എങ്ങനെയെന്ന് നോക്കിയാലോ?

ചേരുവകള്‍

ഗോതമ്പുപൊടി – 2 കപ്പ്

നെയ്യ് – 2 ടീസ്പൂണ്‍

ഇളം ചൂടുള്ള വെള്ളം – പാകത്തിന്

ഉപ്പ് – പാകത്തിന്

പഴം – ഒരെണ്ണം

തയാറാക്കുന്ന വിധം

ഒരു പാത്രത്തില്‍ ഗോതമ്പുപൊടി, ഉപ്പ്, നെയ്യ് എന്നിവ ചേര്‍ത്ത് ഒന്ന് കൈവച്ച് നന്നായി തിരുമ്മിയെടുക്കാം, ശേഷം പാകത്തിന് വെള്ളവും ഒരു പഴവും ചേര്‍ത്ത് കുഴച്ചു മാറ്റിവയ്ക്കാം. കുറച്ച് മാവെടുത്തു ഉരുളകളാക്കി പരത്തി ചപ്പാത്തി ചുട്ടെടുക്കാം.