സംസ്ഥാനത്തെ ആഭ്യന്തര വിനോദ സഞ്ചാരികളുടെ എണ്ണത്തില്‍ റെക്കോര്‍ഡ് വര്‍ധന. 2023ന്റെ ആദ്യപകുതിയില്‍ വിനോദസഞ്ചാര കേന്ദ്രങ്ങളില്‍ എത്തിയത് 1.6 കോടി സഞ്ചാരികളെന്ന് മന്ത്രി മുഹമ്മദ് റിയാസ് പറഞ്ഞു. വിനോദസഞ്ചാരികളുടെ എണ്ണത്തിലും വര്‍ധനവ് ഉണ്ടായി. 2023 ജനുവരി മുതല്‍ ജൂണ്‍ വരെയുള്ള കാലയളവില്‍ 1,06,83,643 ആഭ്യന്തര വിനോദ സഞ്ചാരികളാണ് കേരളത്തിലെ വിനോദസഞ്ചാര കേന്ദ്രങ്ങള്‍ സന്ദര്‍ശിച്ചത്.
കഴിഞ്ഞവര്‍ഷത്തിനെക്കാള്‍ 20.1% വര്‍ധനവാണ് സഞ്ചാരികളുടെ എണ്ണത്തില്‍ ഉണ്ടായത്. കൊവിഡിന് മുമ്പ് 2019 ന്റെ ആദ്യപകുതിയില്‍ എത്തിയത് 89.64 ലക്ഷം വിനോദ സഞ്ചാരികളായിരുന്നു. വിദേശ വിനോദസഞ്ചാരികളുടെ എണ്ണത്തിലും കാര്യമായ വര്‍ധനവാണ് സംസ്ഥാനത്ത് ഉണ്ടായത്. 2022 ലെ ആദ്യ പകുതിയില്‍ വിനോദസഞ്ചാരികളുടെ എണ്ണം 1,05,960 ആയിരുന്നത്. 2023 ല്‍ 2,87,730 ആയി ഉയര്‍ന്നു.
READ MORE:ഒക്ടോബര്‍ 4 ന് വിഴിഞ്ഞത്ത് ആദ്യ കപ്പല്‍: മന്ത്രി അഹമ്മദ് ദേവര്‍കോവില്‍
ടൂറിസം വകുപ്പിന്റെ കണക്ക് പ്രകാരം ആഭ്യന്തര വിനോദ സഞ്ചാരികളുടെ എണ്ണത്തില്‍ എറണാകുളം ജില്ലയാണ് മുന്നില്‍. ഇടുക്കിയാണ് കൂടുതല്‍ സഞ്ചാരികളെ ആകര്‍ഷിച്ച രണ്ടാമത്തെ ജില്ല. തിരുവനന്തപുരം തൃശൂര്‍ വയനാട് ജില്ലകളിലും സഞ്ചാരികള്‍ കൂടുതലായി എത്തി. പുതിയ ടൂറിസം ഉല്‍പ്പനങ്ങളിലൂടെയും പ്രചാരണ പരിപാടികളിലൂടെയും കൂടുതല്‍ വിനോദ സഞ്ചാരികളെ ആകര്‍ഷിക്കാന്‍ സംസ്ഥാനത്തിന് കഴിഞ്ഞു. ആഭ്യന്തര സഞ്ചാരികളുടെ എണ്ണത്തില്‍ കേരളം ഈ വര്‍ഷം സര്‍വ്വകാല റെക്കോര്‍ഡ് നേടുമെന്നാണ് ടൂറിസം വകുപ്പിന്റെ പ്രതീക്ഷ.
READ MORE:കേരളത്തിലെ പാലങ്ങള്‍ക്ക് അടിയില്‍ കളിയിടങ്ങളും വയോജന പാര്‍ക്കും വരും: മന്ത്രി മുഹമ്മദ് റിയാസ്
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
