കാസര്‍കോഡ് രണ്ടിടങ്ങളില്‍ കവര്‍ച്ച. മഞ്ചേശ്വരത്ത് വീട്ടില്‍ നിന്ന് 60 പവന്‍ സ്വര്‍ണവും ഒന്നേ കാല്‍ ലക്ഷം രൂപയും കവര്‍ന്നു. കുമ്പളയിലെ ക്ഷേത്രം കുത്തിത്തുറന്നു. ക്ഷേത്രത്തില്‍ നിന്ന് നഷ്ടപ്പെട്ട പഞ്ചലോഹ പ്രഭാവലയവും സ്വര്‍ണ്ണം പോലീസ് പരിശോധനയില്‍ കണ്ടെത്തി.
മഞ്ചേശ്വരം രാഗം ജംഗ്ഷനിലെ ഹമീദ് തങ്ങളുടെ വീട്ടിലാണ് മോഷണം നടന്നത്. ഹമീദ് തങ്ങളും കുടുംബവും തീര്‍ഥാടനത്തിന് പോയി മടങ്ങിയെത്തിയപ്പോഴാണ് മോഷണം നടന്നതായി കണ്ടത്. അടുക്കള ഭാഗത്തെ വാതില്‍ കുത്തിത്തുറന്ന നിലയിലായിരുന്നു.
ഹമീദ് തങ്ങളുടെ ഓഫീസ് മുറിയിലെ അലമാരയില്‍ സൂക്ഷിച്ചിരുന്ന 60 പവന്‍ സ്വര്‍ണാഭരണങ്ങളും 1 ലക്ഷത്തി 25000 രൂപയും നഷ്ടപ്പെട്ടു.
Also Read: ചോദ്യം ചെയ്യലിനിടെ കെ വിദ്യ പൊലീസ് കസ്റ്റഡിയില്‍ കുഴഞ്ഞുവീണു
മഞ്ചേശ്വരം പൊലീസും ഡോഗ് സ്‌ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി. കുമ്പള നാരായണമംഗലം ചീര്‍മ്മ കാവ് ക്ഷേത്രത്തിലാണ് കവര്‍ച്ച നടന്നത്. രാവിലെ നട തുറക്കാനെത്തിയ പൂജാരിയാണ് ശ്രീകോവിലില്‍ നിന്ന് പഞ്ചലോഹത്തില്‍ തീര്‍ത്ത പ്രഭാവലയവും 5 പവന്‍ സ്വര്‍ണ്ണവും നഷ്ടപ്പെട്ടതായി കണ്ടത്. ക്ഷേത്രത്തിലെ ശ്രീകോവിലിന്റെ പൂട്ട് പൊളിച്ചാണ് മോഷ്ടാക്കള്‍ അകത്ത് കടന്നത്.. പോലീസെത്തി നടത്തിയ പരിശോധനയില്‍ പ്രഭാവലയവും സ്വര്‍ണ്ണവും ക്ഷേത്ര പരിസത്തെ കുറ്റിക്കാട്ടില്‍ നിന്ന് കണ്ടെത്തി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
