ഇതെങ്ങനെ ഇവിടെ വന്നു? തമിഴ്‌നാട്ടിൽ ക്ഷേത്രത്തിന് സമീപത്ത് നിന്നും  റോക്കറ്റ് ലോഞ്ചർ കണ്ടെത്തി 

തമിഴ്നാട്ടിൽ ക്ഷേത്രത്തിന് സമീപത്ത് നിന്നും റോക്കറ്റ് ലോഞ്ചർ കണ്ടെത്തി. ട്രിച്ചിയിലാണ് സംഭവം. ക്ഷേത്ര ദർശനത്തിനെത്തിയവരാണ് കുളത്തിന് സമീപം റോക്കറ്റ് ലോഞ്ചർ കണ്ടെത്തിയത്. തുടർന്ന് സംഭവ സ്ഥലത്തെത്തിയ പൊലീസ് ഇത് ആർമിക്ക് കൈമാറി.

ട്രിച്ചി അന്തനല്ലൂർ ക്ഷേത്രത്തിലാണ് സംഭവം. വൈകിട്ട് ദർശനത്തിനെത്തിയവരാണ് കുളത്തിന് സമീപം നീല നിറത്തിലുള്ള ഒരു വസ്തു കണ്ടെത്തിയത്. ഉടൻ തന്നെ ക്ഷേത്ര അധികൃതർ അടക്കം ഈ വിവരം പൊലീസിനെ അറിയിക്കുകയായിരുന്നു.

ALSO READ; 48 മണിക്കൂറിനിടെ രണ്ടാമത്തേത്; മണാലിയില്‍ വീണ്ടും വിദേശി പാരാഗ്ലൈഡര്‍ മരിച്ചു

തുടർന്ന് സംഭവ സ്ഥലത്തെത്തിയ പൊലീസ് റോക്കറ്റ് ലോഞ്ചർ 117 ആർമി ഇൻഫൻട്രി ബറ്റാലി യന് കൈമാറുകയായിരുന്നു. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. ഇതിന്റെ ഉത്ഭവം എവിടെയാണെന്നും ഇതെങ്ങനെയാണ് ക്ഷേത്രത്തിന് സമീപത്തെത്തിയതെന്നുമാണ് കണ്ടെത്താനുള്ളത്.