ടി ട്വന്റി ലോകകപ്പിലെ സെമിയിൽ ഇന്ത്യ നിലവിലെ ചാംപ്യന്മാരായ ഇംഗ്ലണ്ടിനെ പരാജയപ്പെടുത്തിയപ്പോൾ 2022 ലോകകപ്പ് സെമിയിലെ പരാജയത്തിന് കണക്കു തീർത്തു എന്നാണ് മാധ്യമങ്ങൾ എഴുതിയതിന്. കരഞ്ഞുകൊണ്ടാണ് അന്ന് ഇന്ത്യൻ താരങ്ങൾ സ്റ്റേഡിയം വിട്ടത്. ആ കണ്ണീരിന്റെ നനവ് ഇപ്പോഴും മായാതെ കിടക്കുന്നുണ്ട്. കഴിഞ്ഞ ദിവസത്തെ വിജയത്തെ ഈ കണ്ണീരിലേക്കാണ് പലരും ചേർത്ത് വെക്കുന്നത്.
ഇപ്പോഴിതാ 2022 ലോകകപ്പ് സെമിക്കൊടുവിൽ ഡഗ് ഔട്ടിലിരുന്ന കരയുന്ന രോഹിത് ശർമയുടെ ആ പഴയ ദൃശ്യം സമൂഹമാധ്യമങ്ങളിൽ വീണ്ടും തരംഗമാവുകയാണ്. കനത്ത തോൽവിയുടെ ആഘാതം രോഹിത്തിനെ തളർത്തുകയും, തുടർന്ന് ഇന്ത്യൻ ഡഗ് ഔട്ടിൽ ഇരുന്ന് കയ്യിൽ മുഖം അമർത്തി ക്യാപ്റ്റൻ കരയുകയുമായിരുന്നു.ഏതാണ്ട് 40 സെക്കന്റ് രോഹിത് അങ്ങനെ ഇരുന്നു കരഞ്ഞിരുന്നു.
ഇന്ത്യൻ കോച്ച് രാഹുൽ ദ്രാവിഡ് അന്ന് രോഹിതിന്റെ പുറത്തുതട്ടി ആശ്വസിപ്പിക്കാൻ ശ്രമിച്ചെങ്കിലും രോഹിത്ത് തല ഉയർത്തിയില്ല. ഇടയ്ക്ക് ഋഷഭ് പന്തും രോഹിത്തിനോട് സംസാരിക്കാൻ ശ്രമിക്കുന്നത് കാണാമായിരുന്നു. ഈ വിഡിയോയും ഇതോടൊപ്പം തന്നെ കഴിഞ്ഞ ദിവസത്തെ സെമി വിജയത്തിലെ താരങ്ങളുടെ സന്തോഷം അടങ്ങിയ വിഡിയോയുമാണ് ഇപ്പോൾ ട്രെൻഡിങ് ആവുന്നത്.
— Guess Karo (@KuchNahiUkhada) November 10, 2022
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
