വടക്കൻ ദില്ലിയിൽ ഞായറാഴ്ച രണ്ട് നിലകളുള്ള വീടിൻ്റെ മേൽക്കൂര തകർന്ന് തീപിടിത്തമുണ്ടായതിൽ ഒരു കുടുംബത്തിലെ ആറ് പേർക്ക് പരിക്കേറ്റതായി പൊലീസ് അറിയിച്ചു. ഷാനി ബസാർ ഏരിയയിൽ രാവിലെ 7 മണിയോടെ പാചകം ചെയ്യുന്നതിനിടെയാണ് സംഭവം ഉണ്ടായത്. ഈ അപകടത്തിൽ ഒരു കുടുംബത്തിലെ ആറ് പേർക്ക് പൊള്ളലേറ്റുവെന്നാണ് റിപ്പോർട്ടുകൾ. “രാവിലെ 7.53 ന് നരേലയിലെ ഷാനി ബസാർ പ്രദേശത്ത് തീപിടിത്തവും കെട്ടിടം തകരുന്നതുമായി ബന്ധപ്പെട്ട് ഞങ്ങൾക്ക് ഒരു കോൾ ലഭിച്ചു. രണ്ട് ഫയർ ടെൻഡറുകൾ ഉടൻ തന്നെ സംഭവസ്ഥലത്തെത്തി,” ഡൽഹി ഫയർ സർവീസസ് മേധാവി അതുൽ ഗാർഗ് പറഞ്ഞു.
ഡിഡിഎ ജൻ്റ ഫ്ലാറ്റിൻ്റെ മേൽക്കൂര തകരുകയും, പിഎൻജി വാതക പൈപ്പ് ലൈൻ പൊട്ടി തീപിടിത്തമുണ്ടായതുമായി അദ്ദേഹം പറഞ്ഞു. തീ വീടാകെ പടർന്നു. വീടിനുള്ളിലുണ്ടായിരുന്ന രാജു (40), ഭാര്യ രാജേശ്വരി (35), മകൻ രാഹുൽ (18), ഇവരുടെ മൂന്ന് പെൺമക്കളായ മോഹിനി (12), വർഷ (5), മഹി (3) എന്നിവർ അടുക്കളയിലായിരുന്നു. ഇവർ അവശിഷ്ടങ്ങൾക്കടിയിൽ കുടുങ്ങിക്കിടക്കുകയാണെന്ന് ഒരു പൊലീസ് ഉദ്യോഗസ്ഥൻ പറഞ്ഞു. അത്യാഹിത വിഭാഗങ്ങൾ എത്തുംമുമ്പ് പരിക്കേറ്റവരെ സഹായിക്കാൻ അയൽവാസികൾ സ്ഥലത്തെത്തിയെന്നും അദ്ദേഹം വ്യക്തമാക്കി.
“എൻഐഎ പൊലീസ് സ്റ്റേഷൻ പരിസരത്ത് സിലിണ്ടർ സ്‌ഫോടനവുമായി ബന്ധപ്പെട്ട് ആദ്യം ഞങ്ങൾക്ക് ഒരു കോൾ ലഭിച്ചു. വിഷയം ഡൽഹി ഫയർ സർവീസസിനെ അറിയിക്കുകയും ടീമുകൾ സംഭവസ്ഥലത്തെത്തുകയും ചെയ്തു,” ഓഫീസർ പറഞ്ഞു. സിലിണ്ടർ പൊട്ടിത്തെറിച്ചതാകാമെന്നാണ് ദൃക്‌സാക്ഷികൾ ആദ്യം ഭയന്നത്. എന്നാൽ, വിശദമായ പരിശോധനയ്ക്ക് ശേഷം സ്‌ഫോടനം നടന്നിട്ടില്ലെന്ന് സ്ഥിരീകരിച്ചതായും അദ്ദേഹം പറഞ്ഞു.
പരിക്കേറ്റവരെ രാജാ ഹരിശ്ചന്ദ്ര ആശുപത്രിയിൽ പ്രവേശിപ്പിച്ചതായി ഉദ്യോഗസ്ഥർ പറഞ്ഞു. പാചക തീയുടെ സാമീപ്യത്തെത്തുടർന്ന് കുടുംബാംഗങ്ങൾക്ക് അവശിഷ്ടങ്ങളിൽ നിന്നുള്ള ആഘാതവും പൊള്ളലേറ്റ പരിക്കുകളും ഇടകലർന്നതായി ഡോക്ടർമാർ പറഞ്ഞു. രാജുവിന് 52 ശതമാനവും ഭാര്യക്ക് 45 ശതമാനവും മകന് 45 ശതമാനവും പൊള്ളലേറ്റതായി ഡോക്ടർമാർ അറിയിച്ചു. അദ്ദേഹത്തിൻ്റെ പെൺമക്കളായ മോഹിനി, വർഷ, മഹി എന്നിവർക്ക് യഥാക്രമം 50 ശതമാനം, ആറ് ശതമാനം, എട്ട് ശതമാനം പൊള്ളലേറ്റിട്ടുണ്ട്. സംഭവത്തിൽ കൂടുതൽ അന്വേഷണം നടക്കുകയാണെന്ന് ഉദ്യോഗസ്ഥർ പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
