മഹാരാഷ്ട്രയിലെ നാഗ്പൂരിൽ വിജയദശമി ആഘോഷങ്ങൾ നടക്കുന്നതിനിടെ ആർഎസ്എസ് മേധാവി മോഹൻ ഭാഗവത് ‘ശാസ്ത്ര പൂജ’ നടത്തി. നാഗ്പൂരിലെ ആർഎസ്എസ് ആസ്ഥാനത്താണ് ആർഎസ്എസ് മേധാവി മോഹൻഭാഗവത് ശാസ്ത്രപൂജ നടത്തിയത്. ഐഎസ്ആർഒ മുൻ മേധാവി കെ. രാധാകൃഷ്ണൻ ശാസ്ത്ര പൂജാ ചടങ്ങിനിടെ മോഹൻഭാഗവതിനെ അനുഗമിച്ചു. പൂജയിൽ ഇന്ത്യയുടെ ബഹിരാകാശ നേട്ടങ്ങളെയും റോക്കറ്റ് വിക്ഷേപണ സാങ്കേതിക വിദ്യയോടുമുള്ള ആദരവ് പ്രകടമാക്കുന്ന തരത്തിലുള്ള ഐഎസ്ആർഒ ഉപഗ്രഹങ്ങളുടെ ചെറു മാതൃകകളെ മോഹൻഭാഗവത് പൂവിട്ട് പൂജിച്ചു.
കേന്ദ്രമന്ത്രി നിതിൻ ഗഡ്കരി , മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്‌നാവിസ് , മുൻ ഐഎസ്ആർഒ മേധാവി കെ. ശിവൻ എന്നിവർ ചടങ്ങിൽ പങ്കെടുത്തു. പരിപാടിയോട് അനുബന്ധിച്ചുള്ള ചടങ്ങിൽ ആർഎസ്എസ് പ്രവർത്തകർ സംഘ പ്രാർത്ഥന നടത്തി. രാജ്യത്തിൻ്റെ മിക്കവാറും എല്ലാ ഭാഗങ്ങളിലും ആഘോഷിക്കപ്പെടുന്ന ആഘോഷമാണ് വിജയദശമി ആഘോഷം. ഉത്തരേന്ത്യൻ സംസ്ഥാനങ്ങളിൽ വിജയദശമി ആഘോഷം അവസാനിക്കുന്നതോടെ ദീപാവലി ആഘോഷങ്ങൾക്കുള്ള ഒരുക്കങ്ങൾ തുടങ്ങി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
