സ്വന്തം തെറ്റ് മറച്ചു വെയ്ക്കാൻ വേണ്ടിയാണ് ജോസ് വള്ളൂരും കൂട്ടരും തനിക്കെതിരെ കള്ള കേസ് ഫയൽ ചെയ്തതെന്ന് തൃശൂർ ഡിസി സി ജനറൽ സെക്രട്ടറി സജീവൻ കുരിയച്ചിറ. ജില്ലയിലെ കോൺഗ്രസിന് സംഭവിച്ച ഈ അവസ്ഥയ്ക്ക് ജോസ് വള്ളൂർ ആണ് ഉത്തരവാദി. കെ പി സി സി നേതൃത്വവും എ ഐ സി സി നേതൃത്വം ഇടപെട്ട് ജോസ് വള്ളൂരിനെ ഡിസിസി പ്രസിഡൻ്റ് സ്ഥാനത്ത് നിന്ന് പുറത്താക്കണമെന്നും സജീവൻ കുരിയച്ചിറ ആവശ്യപ്പെട്ടു.
സജീവൻ കുരിയച്ചിറയ്ക്ക് എതിരെ കേസ് ഈസ്റ്റ് പൊലീസ് കേസെടുത്തിരുന്നു. സജീവന് പുറമെ ഏഴ് പേർക്കെതിരെയും കേസ് രജിസ്റ്റർ ചെയ്തിട്ടുണ്ട്. ഡിസിസി ഓഫീസിൽ വച്ച് മർദ്ദിക്കുകയും, ഫോണിൽ വിളിച്ച് കൊല്ലുമെന്ന് ഭീഷണിപ്പെടുത്തിയെന്നുമാണ് പരാതി.
ALSO READ: തൃശൂരിൽ വാഹപകടം; ഒരാൾ മരിച്ചു, ഒരാളുടെ നില ഗുരുതരം
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
