രാജ്യത്തെ സമുന്നത സാഹിത്യപുരസ്‌കാരങ്ങളിലൊന്നായ സരസ്വതി സമ്മാന്‍ കവി പ്രഭാവര്‍മയ്ക്ക് സമര്‍പ്പിച്ചു. ജ്ഞാനപീഠ ജേതാവ് ഡോ. ദാമോദര്‍ മൗജോയാണ് തിരുവനന്തപുരം ടഗോര്‍ തിയേറ്ററില്‍ വെച്ച് നടന്ന ചടങ്ങില്‍ പുരസ്‌കാരം നല്‍കിയത്. സരസ്വതി സമ്മാന്‍ സമര്‍പ്പണച്ചടങ്ങ് ആദ്യമായാണ് ദില്ലിക്ക് പുറത്ത് സംഘടിപ്പിച്ചത്.
പുരസ്‌കാരത്തിന് അര്‍ഹമായ രൗദ്രസാത്വികം എന്ന കൃതിയിലെ ഏതാനം വരികള്‍ പാടിയാണ് സരസ്വതി സമ്മാന്‍ സമര്‍പ്പണ സമ്മേളനം അമേരിക്കയിലിരുന്ന് ഗായകന്‍ കെ ജെ യേശുദാസ് ഓണ്‍ലൈനായി ഉദ്ഘാടനം ചെയ്തത്. കൊങ്ങിണി എഴുത്തുകാരനും ജ്ഞാനപീഠ ജേതാവുമായ ഡോ. ദാമോദര്‍ മൗജോ സരസ്വതി സമ്മാന്‍ പ്രഭ വര്‍മ്മക്ക് സമര്‍പ്പിച്ചു. നടന്‍ മോഹന്‍ലാല്‍ ആശംസകള്‍ അര്‍പ്പിച്ചു. തുടര്‍ന്ന് പ്രഭാവര്‍മ്മ മറുപടി പറഞ്ഞു.
ALSO READ:മുഖ്യമന്ത്രിക്കെതിരെ മോശം പരാമര്‍ശം നടത്തിയ കെ സുധാകരനെതിരെ സംസ്ഥാന വ്യാപക പ്രതിഷേധവുമായി ഡിവൈഎഫ്‌ഐ
ബാലാമണിയമ്മ, സുഗതകുമാരി, അയ്യപ്പപ്പണിക്കര്‍ എന്നിവര്‍ക്കാണ് ഇതിനുമുമ്പ് സരസ്വതി സമ്മാന്‍ ലഭിച്ചിട്ടുള്ളത്. പുരസ്‌കാര സമര്‍പ്പണത്തിനുശേഷം നടന്ന കലാസന്ധ്യ മന്ത്രി വി ശിവന്‍കുട്ടി ഉദ്ഘാടനം ചെയ്തു. ഡോക്ടര്‍ ജോണ്‍ ബ്രിട്ടാസ് എംപി ആശംസകള്‍ നേര്‍ന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
