കൊറിയ ഓപ്പണ്‍ സൂപ്പര്‍-500 ടൂര്‍ണമെന്റില്‍ കിരീടം ചൂടി ഇന്ത്യയുടെ സാത്വിക് സായ് രാജ്-ചിരാഗ് ഷെട്ടി സഖ്യം. ഫൈനലില്‍ ഇന്തോനേഷ്യയുടെ ലോക ഒന്നാം നമ്പര്‍ ജോഡികളെ മറികടന്നാണ് ഇന്ത്യയുടെ കിരീട നേട്ടം.
വീറും വാശിയും ഏറിയ മത്സരത്തിനാണ് കൊറിയന്‍ ബാഡ്മിന്റണ്‍ ഓപ്പണ്‍ ഫൈനല്‍ വേദി സാക്ഷ്യം വഹിച്ചത്. ഫൈനലില്‍ ഇന്തോനേഷ്യയുടെ ലോക ഒന്നാം നമ്പര്‍ ജോഡികളായ ഫജര്‍ അല്‍ഫിയന്‍-മുഹമ്മദ് റിയാന്‍ അര്‍ഡിയാന്റോ ടീമിനെയാണ് ഫൈനലില്‍ മുട്ടുകുത്തിച്ചത്. ആദ്യ സെറ്റില്‍ തോറ്റ ഇന്ത്യ, ആത്മവിശ്വാസം നഷ്ടപ്പെടാതെ പിന്നീടുള്ള രണ്ടു സെറ്റുകളും പിടിച്ചെടുക്കുകയായിരുന്നു.
ലോക റാങ്കിംഗില്‍ രണ്ടാം സ്ഥാനത്തുള്ള ചൈനയെ സെമിയില്‍ മറികടന്നാണ് ചിരാഗ് ഷെട്ടി – സ്വാത്വിക്ക് സായ് രാജ് സഖ്യം ഫൈനലില്‍ പ്രവേശിച്ചത്. ഫൈനല്‍ മത്സരം ജയിച്ച ശേഷം ഇരുവരും ചെയ്ത നൃത്ത ചുവടുകള്‍ സമൂഹ മാധ്യമങ്ങളില്‍ വൈറലാണ്. നേരത്തേ ചിരാഗ് ഷെട്ടി – സ്വാത്വിക്ക് സായ് രാജ് സഖ്യം ഇന്തോനേഷ്യ ഓപ്പണും സ്വിസ്സ് ഓപ്പണും സ്വന്തമാക്കിയിരുന്നു
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
