രാജ്യത്തെ ഏറ്റവും വലിയ ബാങ്കായ സ്റ്റേറ്റ് ബാങ്ക ഓഫ് ഇന്ത്യയുടെ (എസ്ബിഐയുടെ) അറ്റാദായത്തില്‍ 35 ശതമാനം ഇടിവെന്ന് റിപ്പോര്‍ട്ട്. മുന്‍വര്‍ഷത്തെ 14,205 കോടി രൂപയായിരുന്നു. അതില്‍ നിന്ന് 9,164 കോടി രൂപയായി കുറഞ്ഞെന്നാണ് പുറത്തുവരുന്ന റിപ്പോര്‍ട്ടുകള്‍ സൂചിപ്പിക്കുന്നത്.
ബാങ്കിന്റെ അറ്റാദായത്തെ ബാധിച്ചത് ഉയര്‍ന്ന പെന്‍ഷന്‍ ചെലവും ശമ്പള പരിഷ്‌കരണവുമാണ്. 7,100 കോടി രൂപയാണ് ഇത്തവണ വേതനം പരിഷ്‌കരിക്കുന്നതിനും പെന്‍ഷന്‍ ചെലവുകള്‍ക്കുമായി നീക്കിവെച്ചത്.
ALSO READ ;‘വിലകുറഞ്ഞ പബ്ലിസിറ്റി സ്റ്റണ്ട്’, ‘മരണം തമാശയല്ല ഇത് നാണക്കേട്’, പൂനം പാണ്ഡെക്കെതിരെ നടിമാർ രംഗത്ത്
പലിശയിനത്തിലെ വരുമാനം 39,815 കോടി രൂപയാണ്. നിഷ്‌ക്രിയ ആസ്തി കഴിഞ്ഞ വര്‍ഷം ഇതേ പാദത്തിലെ 3.14 ശതമാനത്തില്‍നിന്ന് 2.42 ശതമാനമായി കുറഞ്ഞിട്ടുണ്ട്.
നടപ്പ് സാമ്പത്തിക വര്‍ഷം ഒക്ടോബര്‍-ഡിസംബര്‍ പാദത്തില്‍ ബാങ്ക് 12,987 കോടി രൂപ അറ്റാദായം നേടുമെന്നായിരുന്നു അനലിസ്റ്റുകളുടെ കണക്കുകൂട്ടല്‍. വെള്ളിയാഴ്ച ബിഎസ്ഇയില്‍ എസ്ബിഐയുടെ ഓഹരി വില 650.40 രൂപയിലാണ് ക്ലോസ് ചെയ്തത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
