കേരള സർവകലാശാല സെനറ്റ് നിയമനം കോടതി റദ്ദാക്കിയ സാഹചര്യത്തിൽ ഗവർണർ ആരിഫ് മുഹമ്മദ് ഖാൻ ചാൻസലർ പദവിയിൽ നിന്ന് ഒഴിയണമെന്ന് എസ്എഫ്ഐ. യൂണിവേഴ്‌സിറ്റികളുടെ ചാൻസലർ സ്ഥാനത്തിരിക്കുന്ന ഗവർണർ ആരിഫ് മുഹമ്മദ്ഖാൻ കേരളത്തിലെ ഉന്നത വിദ്യാഭ്യാസ മേഖലയെ കാവിവത്‌കരിക്കാനുള്ള ശ്രമങ്ങളാണ് കഴിഞ്ഞ കുറേ മാസങ്ങളായി നടത്തിക്കൊണ്ടിരിക്കുന്നത്. സർവകലാശാലകളുടെ സെനറ്റിലേക്ക് സർവകലാശാല ശുപാർശ ചെയ്ത പേരുകൾ വെട്ടിയ ചാൻസലർ സംഘപരിവാറുകാരെയും, കോൺഗ്രസ് – മുസ്ലിം ലീഗ് പ്രവർത്തകരെയും തിരുകി കയറ്റിയ കാര്യം കേരളമാകെ ചർച്ചയായതാണ്.
Also Read: ഭക്ഷ്യ സുരക്ഷ: പരിശോധനയിലും പിഴത്തുകയിലും റെക്കോര്‍ഡ് വര്‍ധന; പിഴത്തുക ഇരട്ടിയിലധികം
ഇതിനെതിരെ കേരളത്തിൻ്റെ തെരുവുകളിലും, ക്യാമ്പസുകളിലും ഐതിഹാസിക സമരത്തിനാണ് എസ്.എഫ്.ഐ നേതൃത്വം നൽകിയത്. കേരള യൂണിവേഴ്സിറ്റിയിൽ വിദ്യാർത്ഥി പ്രതിനിധികളായി സർവകലാശാല ശുപാർശ ചെയ്ത വിദ്യാർത്ഥി പ്രതിഭകളുടെ പേര് വെട്ടി, ഒരു അക്കാഡമിക് മെറിറ്റും അവകാശപ്പെടാൻ ഇല്ലാത്ത ചാൻസലർ തിരുകി കയറ്റിയ എബിവിപി പ്രവർത്തകരെ ഇന്ന് ഹൈക്കോടതി അയോഗ്യരാക്കിയിരിക്കുന്നു. ഹൈക്കോടതി വിധി വന്നതോട് കൂടി സർവകലാശാല സ്ഥാനത്തിരിക്കാൻ ഗവർണർ ആരിഫ് മുഹമ്മദ് ഖാന് യോഗ്യത നഷ്ടപ്പെട്ടിരിക്കുന്നു.
Also Read: കെഎസ്ആര്‍ടിസിക്കുള്ളില്‍ വെച്ച് ഭാര്യയുമായി വഴക്ക്; ബസ്സിന്റെ ജനലിലൂടെ റോഡിലേക്ക് ചാടിയ യുവാവ്
ചാൻസലർ നടത്തിയ ഓരോ നീക്കത്തിനും പിന്തുണ നൽകിയ യുഡിഎഫ് – ബിജെപി – രാജ്ഭവൻ സഖ്യത്തിനാകെ ഏറ്റ തിരിച്ചടിയാണിത്. ചാൻസലർ തിരുകി കയറ്റിയ വിദ്യാർത്ഥി പ്രതിനിധികളെ അയോഗ്യരാക്കിയ കോടതിവിധി കേരള ജനതയുടെ ആകെ സംഘപരിവാർ വിരുദ്ധ പോരാട്ടത്തിൻ്റെ വിജയമാണെന്നും, ഗവർണർ ആരിഫ് മുഹമ്മദ് ഖാൻ ഉടൻ ചാൻസലർ സ്ഥാനം രാജിവെയ്ക്കണമെന്നും എസ്എഫ്ഐ സംസ്ഥാന പ്രസിഡൻ്റ് കെ അനുശ്രീ, സെക്രട്ടറി പി.എം ആർഷോ എന്നിവർ പ്രസ്താവനയിലൂടെ പ്രതികരിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
