വീട്ടിൽ അതിക്രമിച്ചകയറി ബലം പ്രയോഗിച്ച് കീഴ്പ്പെടുത്തി മാനഭംഗപ്പെടുത്തുകയും, വിവാഹവാഗ്ദാനം നൽകിയശേഷം പലതവണ പീഡിപ്പിക്കുകയും ചെയ്ത കേസിൽ യുവാവ് അറസ്റ്റിൽ. കൊല്ലം വടക്കൻ മൈനാഗപ്പള്ളി രാജാസുധ വീട്ടിൽ മിഥുൻ രാജ് (28) ആണ് കൊടുമൺ പൊലീസിന്റെ പിടിയിലായത്. 2021 മെയ്യിലാണ് സംഭവം.തുടർന്ന് ജൂലൈയിൽ പ്രലോഭിപ്പിച്ചുകൊണ്ടുപോയി സൂര്യനെല്ലിയിലെ റിസോർട്ടിൽ വച്ചു പലതവണ ലൈംഗികമായി പീഡിപ്പിച്ചു. കഴിഞ്ഞ ദിവസം യുവതി കൊടുമൺ സ്റ്റേഷനിലെത്തി മൊഴിനൽകിയതിനെത്തുടർന്ന് കേസെടുത്ത് അന്വേഷണം ആരംഭിച്ച പൊലീസ് രാത്രി തന്നെ പ്രതിയെ വീടിന് സമീപത്തുനിന്നും കസ്റ്റഡിയിലെടുത്തു.
ALSO READ: നിജ്ജാറിന്റെ കൊലപാതകം; മൂന്ന് ഇന്ത്യക്കാരെ അറസ്റ്റ് ചെയ്ത് കാനഡ, ചിത്രങ്ങള്‍ പുറത്തുവിട്ടു
വിശദമായ ചോദ്യം ചെയ്യലിൽ കുറ്റം സമ്മതിച്ചതിനെതുടർന്ന് അറസ്റ്റ് രേഖപ്പെടുത്തി. യുവതിയെ മെഡിക്കൽ പരിശോധനക്ക് വിധേയയാക്കി. കോടതി മൊഴിരേഖപ്പെടുത്തുകയും ചെയ്തു. വൈദ്യപരിശോധനക്ക് ശേഷം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ALSO READ: ഡ്രൈവിംഗ് ടെസ്റ്റ് പരിഷ്കരണം; സമരം താൽക്കാലികമായി മാറ്റിവെച്ച് സിഐടിയു
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
