പൂക്കോട് വെറ്ററിനറി സർവകലാശാല കോളേജ് യൂണിയൻ തെരഞ്ഞെടുപ്പിൽ മുഴുവൻ സീറ്റിലും എസ് എഫ് ഐ വിജയിച്ചു. സർവ്വകലാശാല ക്യാമ്പസ്സിൽ ആകെയുള്ള ഇരുപത്തി അഞ്ച് സീറ്റിലും എസ് എഫ് ഐ സ്ഥാനാർത്ഥികൾ എതിരില്ലാതെയാണ് വിജയിച്ചത്.
യൂണിയൻ പ്രസിഡൻ്റായി സഹീർ അനസ് ,ജനറൽ സെക്രട്ടറിയായി ബിസ്മി കെ എം, യൂണിവേഴ്സിറ്റി യൂണിയൻ കൗൺസിലർമാരായി സായന്ത് സുരേഷ്, കാതറിൻ, രേവതി ഷാജി തുടങ്ങി 25 സീറ്റിലേക്കാണ് എസ് എഫ് ഐ സ്ഥാനാർത്ഥികൾ എതിരില്ലാതെ തെരഞ്ഞെടുക്കപ്പെട്ടത്.
Also Read: കെഎസ്‌യു നേതാവ് കഞ്ചാവുമായി പിടിയിൽ; അറസ്റ്റിലായത് ഇടുക്കി ജില്ലാ ജനറൽ സെക്രട്ടറി റിസ്വാൻ പാലമൂടൻ
കഴിഞ്ഞ വർഷം പൂക്കോട് വെറ്ററിനറി ക്യാമ്പസിൽ നടന്ന വിദ്യാർത്ഥിയുടെ ആത്മഹത്യയെ എസ് എഫ് ഐയുടെ തലയിൽ കെട്ടിവെക്കാൻ ശ്രമം നടത്തിയ എം എസ് എഫ് – കെ എസ് യു – എബിവിപി സഖ്യത്തിനും, നട്ടാൽ മുളക്കാത്ത നുണയുമായി എസ്.എഫ്.ഐയെ തകർക്കാൻ കരാറെടുത്ത് പ്രവർത്തിച്ച വലതുപക്ഷ മാധ്യമങ്ങളുടെ ജീർണിച്ച പ്രവർത്തനത്തിനും വിദ്യാർത്ഥികൾ നൽകിയ മറുപടിയാണ് ഈ വിജയമെന്ന് എസ് എഫ് ഐ സംസ്ഥാന പ്രസിഡൻ്റ് കെ അനുശ്രീ, സെക്രട്ടറി പി.എം ആർഷോ എന്നിവർ പ്രസ്താവനയിലൂടെ പ്രതികരിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
