‘എം ടി എല്ലാവരുടെയും സ്നേഹാദരവ് പിടിച്ചു പറ്റിയ വ്യക്തി’: എം ടി യെ അനുസ്മരിച്ച് ഷാജി എൻ കരുൺ

പ്രശസ്ത സാഹിത്യകാരൻ എം ടി വാസുദേവൻ നായരേ അനുസ്മരിച്ച് ഷാജി എൻ കരുൺ. എം ടി എല്ലാവരുടെയും സ്നേഹാദരവ് പിടിച്ചു പറ്റിയ വ്യക്തിയാണെന്ന് അദ്ദേഹം പറഞ്ഞു. തനിക്ക് വ്യക്തിപരമായി അടുത്ത ബന്ധമുണ്ടായിരുന്നു. എഴുതുന്നതിന് മുൻപുള്ള അദ്ദേഹത്തിൻ്റെ കാഴ്ച, അതാണ് അദ്ദേഹത്തിൻ്റെ പ്രത്യേകത. മികച്ച പത്രാധിപനായിരുന്നു. സ്വന്തം കഥ സിനിമയായപ്പോൾ മികച്ച സംവിധായകനായ എം ടിയെ ആണ് കാണാനായത് എന്നും എം ടി യെ അനുശോചിച്ച് ഷാജി എൻ കരുൺ പറഞ്ഞു.

Also read: ‘സാഹിത്യത്തെ വളരെ ഗൗരവകരമായ കണ്ട വ്യക്തി’: എം ടി യെ അനുസ്മരിച്ച് കെ എൽ മോഹന വർമ

അതേസമയം, പ്രശസ്ത സാഹിത്യകാരൻ എം ടി വാസുദേവൻ നായരേ അനുസ്മരിച്ച് അടൂർ ഗോപാലകൃഷ്ണൻ. വിശേഷണങ്ങൾക്കതീതനായ മഹാപ്രതിഭ ആയിരുന്നു എം ടി വാസുദേവൻ നായർ എന്ന് അദ്ദേഹം പറഞ്ഞു. തനിക്ക് അദ്ദേഹം ജ്യേഷ്ഠ സഹോദര തുല്യനായിരുന്നു. കൈവെച്ച മേഖലകളിലെല്ലാം മറ്റുള്ളവരെ അതിശയിപ്പിച്ച വ്യക്തിയാണ് എം ടി വാസുദേവൻ നായർ. ആധുനിക മനസ്സുള്ള എഴുത്തുകാരൻ ആയിരുന്നു എം ടി. ഭാഷക്കും വ്യക്തിപരമായും വലിയ നഷ്ടമാണ് എം ടി വാസുദേവൻ നായരുടെ വിയോഗം എന്നും അദ്ദേഹം അശുഹോചനത്തിൽ പറഞ്ഞു.