അമേരിക്കയിൽ വീണ്ടും വെടിവെപ്പ്. വിർജീനിയ കോമൺവെൽത്ത് സർവകലാശാലയ്‌ക്ക് സമീപം ഉണ്ടായ വെടിവെപ്പിൽ ഏഴ് പേർക്ക് പരുക്കേറ്റു. ഇതിൽ മൂന്ന് പേരുടെ നില ഗുരുതരമാണെന്ന് റിച്ച്മണ്ട് പൊലീസ് അറിയിച്ചു. ഹ്യൂഗനോട്ട് ഹൈസ്‌കൂളിലെ ബിരുദദാന ചടങ്ങിനിടെയാണ് വെടിവെപ്പ് നടന്നത്. സംഭവത്തിൽ രണ്ട് പേരെ പൊലീസ് കസ്റ്റഡിയിൽ എടുത്തു.
സ്കൂളിൽ ബിരുദദാന ചടങ്ങ് നടക്കുന്ന തിയേറ്ററിനുള്ളിലായിരുന്ന പൊലീസ് വെടിയൊച്ച കേട്ട് പുറത്തിറങ്ങിയപ്പോഴാണ് ഏഴ് പേർ വെടിയേറ്റ നിലയിൽ കണ്ടെത്തിയത്. സംഭവത്തിൽ കർശന നടപടിയെടുക്കുമെന്ന് മേയർ ലെവർ സ്റ്റോണി അറിയിച്ചു. ഇനി എവിടെയും ഇത്തരം സംഭവം ആവർത്തിക്കരുതെന്നും മേയർ പറഞ്ഞു.
Also Read: മൃതദേഹങ്ങള്‍ക്കിടെയില്‍ നിന്ന് ‘വെള്ളം തരൂ’ എന്ന് അപേക്ഷ, ഒഡീഷയില്‍ മരണത്തെ തോല്‍പ്പിച്ച് യുവാവ്
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
