മേ​ലു​ദ്യോ​ഗ​സ്ഥ​നെ വെടിവച്ചുകൊന്ന കേസ്; താൻ മാനസിക രോഗിയെന്ന് പ്രതി

ജയ്‌പൂർ -​മും​ബൈ ട്രെ​യി​നി​ൽ മേ​ലു​ദ്യോ​ഗ​സ്ഥ​നെ​യും മൂ​ന്ന്​ യാ​ത്ര​ക്കാ​രെ​യും വെ​ടി​വെ​ച്ചു​കൊ​ന്ന കേ​സി​ൽ പ്ര​തി ജാ​മ്യാ​പേ​ക്ഷ ന​ൽ​കി. മു​ൻ ആ​ർ.​പി.​എ​ഫ് കോ​ൺ​സ്റ്റ​ബി​ൾ ചേ​ത​ൻ​സി​ങ്​ ചൗ​ധ​രിയാണ് ജാ​മ്യാ​പേ​ക്ഷ ന​ൽ​കിയത്. താൻ മാ​ന​സി​ക രോ​ഗി​യാ​ണെ​ന്ന്​ അ​വ​കാ​ശ​പ്പെ​ട്ടാ​ണ്​ ഇയാൾ ​കോ​ട​തി​യി​ൽ അ​ഭി​ഭാ​ഷ​ക​ർ മു​ഖേ​ന അ​പേ​ക്ഷ നൽകി​യ​ത്. വ​ർ​ഷ​ങ്ങ​ളാ​യി തനിക്ക് മാ​ന​സി​ക പ്ര​ശ്‌​ന​ങ്ങ​ളു​ണ്ടെ​ന്നും കു​ടും​ബ​ത്തി​ന് ഇ​ക്കാ​ര്യം അ​റി​യാ​മെ​ന്നും ഹർജിയിൽ പ​റ​യു​ന്നു. ജ​യി​ലി​ൽ മ​റ​വി പ്ര​ക​ട​മാ​കു​ന്ന​താ​യും ഇയാൾ അ​വ​കാ​ശ​പ്പെ​ടു​ന്നു.

ALSO READ: ഉത്തരാഖണ്ഡ് തുരങ്കത്തിലെ അപകടം; സമ്മര്‍ദ്ദം കുറയ്ക്കാന്‍ ലൂഡോയും ചീട്ടുകളിയും

കോ​ട​തി ഹ​ർ​ജി പ​രി​ഗ​ണി​ക്കു​ന്ന​ത് ഡി​സം​ബ​ർ ഒ​ന്നി​ലേ​ക്ക്​ മാ​റ്റി. അതേസമയം പ്ര​തി​ക്ക്​ മാ​ന​സി​ക പ്ര​ശ്​​ന​ങ്ങ​ളി​ല്ലെന്നാണ് കുറ്റപത്രത്തിൽ പറയുന്നത്. ബോ​ധ​പൂ​ർ​വം പ്ര​ത്യേ​ക മ​ത​വി​ഭാ​ഗ​ത്തി​ൽ​പ്പെ​ട്ട യാ​ത്ര​ക്കാ​രെ തി​ര​ഞ്ഞു​പി​ടി​ച്ച്​ വെ​ടി​വെ​ക്കു​ക​യാ​യി​രു​ന്നു​. ജോ​ലി​സ​മ​യം അവസാനിക്കുന്നതിന് മുൻപ് മ​റ്റൊ​രു റെ​യി​ൽ​വേ സ്​​റ്റേ​ഷ​നി​ൽ ഇ​റ​ങ്ങി​പ്പോ​കാ​ൻ അ​നു​വ​ദി​ക്കാ​ത്ത​തി​ലു​ള്ള വൈ​രാ​ഗ്യ​മാണ് മേ​ലു​ദ്യോ​ഗ​സ്ഥ​നെ വെടിവെച്ചു കൊല്ലാൻ ഇയാളെ പ്രേരിപ്പിച്ചതെന്നും കുറ്റപത്രത്തിൽ പറയുന്നു. അ​സ്ഗ​ർ അ​ലി അ​ബ്ബാ​സ്, അ​ബ്ദു​ൽ കാ​ദ​ർ ഭാ​ൻ​പു​ർ​വാ​ല, സ​യ്യി​ദ് സൈ​ഫു​ദ്ദീ​ൻ എ​ന്നി​വ​രാ​ണ്​ കൊ​ല്ല​പ്പെ​ട്ട മറ്റ് യാ​ത്ര​ക്കാ​ർ.

ALSO READ: ഉത്തരാഖണ്ഡ് തുരങ്കത്തിലെ അപകടം; സമ്മര്‍ദ്ദം കുറയ്ക്കാന്‍ ലൂഡോയും ചീട്ടുകളിയും