രൺബീർ കപൂർ ചിത്രം ആനിമലിനെതിരെ പ്രതിഷേധം ശക്തമാകുന്നു. അർജുൻ റെഡ്ഡി സംവിധായകനായ സന്ദീപ് റെഡ്ഡിയുടെ രണ്ടാമത്തെ ചിത്രമായ ആനിമലിൽ സ്ത്രീവിരുദ്ധതയുണ്ട് എന്ന് കാണിച്ചാണ് ഇപ്പോൾ പലരും രംഗത്തെത്തിയിരിക്കുന്നത്. അർജുൻ റെഡ്ഡിയിലും ധാരാളം വിമര്ശങ്ങള്ക്ക് വഴിവെച്ച നായകൻറെ സ്ത്രീവിരുദ്ധത ആനിമലിലും തുടരുന്നുവെന്നാണ് ഒരുകൂട്ടം പ്രേക്ഷകർ അഭിപ്രായപ്പെടുന്നത്.
ചിത്രത്തിലെ നായിക രശ്മിക മന്ദാനയോട് രണ്‍ബീര്‍ പറയുന്ന ഡയലോഗ് ആണിത്. ‘മാസത്തില്‍ നാല് തവണ പാഡ് മാറ്റുന്ന നീ അതിന്‍റെ പേരില്‍ ഡ്രാമ സൃഷ്ടിക്കുകയാണ്. ഇവിടെ ഞാന്‍ 50 എണ്ണമാണ് ഒരു ദിവസം മാറ്റുന്നത്’, എന്നാണ് നായകന്‍ ഭാര്യയോട് പറയുന്നത്. ഭാര്യയുടെ ആര്‍ത്തവകാലത്തെ തന്‍റെ ആശുപത്രിവാസവുമായി താരതമ്യപ്പെടുത്തിയുള്ളതാണ് ഈ ഡയലോഗ്. ഇത് സ്ത്രീവിരുദ്ധതയാണ് എന്നാണ് പ്രേക്ഷകരിൽ പലരും വ്യകതമാക്കുന്നത്.
ALSO READ: പ്രണവിനെ ഇപ്പോൾ കണ്ടാൽ പഴയ വിന്റേജ് ലാലേട്ടനെ പോലെയുണ്ട്; വൈറലായി നിവിൻ പോളിക്കൊപ്പമുള്ള ചിത്രം
അതേസമയം, സിനിമയെ അനുകൂലിച്ചുകൊണ്ട് രംഗത്ത് വന്ന തമിഴ് നടി തൃഷ അവരുടെ ഇൻസ്റ്റഗ്രാം പോസ്റ്റ് ഡിലീറ്റ് ചെയ്തിട്ടുണ്ട്. സിനിമയെ വിമർശിച്ചുകൊണ്ട് രംഗത്തെത്തിയ ക്രിക്കറ്റ് താരം ജയദേവ് അദ്ദേഹത്തിന്റെ എക്‌സ് പോസ്റ്റും ഡിലീറ്റ് ചെയ്തിട്ടുണ്ട്. സോഷ്യൽ മീഡിയയിൽ വിഷയം ഇപ്പോൾ വിവാദമായിരിക്കുകയാണ്. നിരവധിപ്പേർ സിനിമയിലെ സ്ത്രീവിരുദ്ധതയ്‌ക്കെതിരെ വിമർശങ്ങൾ ഉന്നയിച്ച്‌ രംഗത്തെത്തുന്നുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
