വിജയ് ചിത്രമായ ലിയോയിൽ ഒരു ഫഹദ് കണക്ഷൻ ഉണ്ടെന്നാണ് സോഷ്യൽ മീഡിയ ഇപ്പോൾ കണ്ടെത്തിയിരിക്കുന്നത്. വിക്രം സിനിമയിലെ ഫഹദിന്റെ കഥാപാത്രമായ അമറും ലിയോ സിനിമയിലെ വിജയ് കഥാപാത്രമായ പാർത്ഥിപനും തമ്മിൽ ഒരു ബന്ധമുണ്ടെന്നാണ് സോഷ്യൽ മീഡിയയുടെ കണ്ടെത്തൽ. പാർത്ഥിപൻ അനാഥനും ഓർഫനേജിൽ വളർന്ന ആളുമാണെന്നാണ് ലിയോയിൽ പറയുന്നത്. അതേ സത്യമംഗലത്തെ ഓർഫനേജിൽ തന്നെയാണ് ഫഹദും പഠിച്ചു വളർന്നതെന്നാണ് വിലയിരുത്തൽ. ലിയോ ചിത്രവും വിക്രമും കണക്ട് ചെയ്യുന്ന ഒരാൾ ഫഹദാണെന്ന് ഇതിലൂടെ സിനിമാ നിരീക്ഷകരും അഭിപ്രായപെടുന്നുണ്ട്.
മറ്റൊരു വിചിത്രമായ കണ്ടെത്തൽ ഉള്ളത്, ചിത്രത്തിലെ ലിയോയുടെ സഹോദരിയായി വരുന്ന മഡോണയുടെ കഥാപാത്രം കൈദി സിനിമയിലെ കാർത്തിയുടെ ഭാര്യയാണ് എന്നാണ്. കൈദി രണ്ടാം ഭാഗത്തിൽ ഇത് കൂടുതൽ വ്യകതമാകുമെന്നും സിനിമയുമായി ബന്ധപ്പെട്ട ചർച്ചകളിൽ പലരും പറയുന്നു. പ്രചരിച്ചുകൊണ്ടിരിക്കുന്ന ഈ കഥകളോട് അണിയറപ്രവർത്തകരോ മറ്റോ പ്രതികരിച്ചിട്ടില്ല. ലോകേഷും നൽകിയ അഭിമുഖങ്ങളിൽ ഒന്നും തന്നെ എൽ സി യുവിലെ ഇത്തരം കണക്ഷനുകളെ കുറിച്ച് സംസാരിച്ചിട്ടുമില്ല.
അതേസമയം, തമിഴിയിലെ എക്കാലത്തെയും മികച്ച ഹിറ്റായി മാറിയിരിക്കുകയാണ് ലോകേഷ്-വിജയ് ചിത്രം ലിയോ. കളക്ഷനിൽ രജനി ചിത്രം ജയിലറിനെയും സിനിമ മറികടന്നെന്നാണ് റിപ്പോർട്ടുകൾ സൂചിപ്പിക്കുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
