മേയർ ആര്യ രാജേന്ദ്രനെതിരെ അസഭ്യം പറഞ്ഞ യദുവിനെ പിന്തുണച്ച് നിലപാടെടുത്ത മാധ്യമപ്രവർത്തകൻ ഹാഷ്മിക്കെതിരെ ട്രോളുമായി സോഷ്യൽമീഡിയ. മാധ്യമ ചർച്ചയിൽ യദുവിനോട് ഹാഷ്മി പറഞ്ഞ നീതിയുടെ പൊൻകിരണങ്ങൾ തേടിയുള്ള യാത്രയിൽ എന്ന വാക്കാണ് സോഷ്യൽമീഡിയയിലെ ഇപ്പോഴത്തെ ട്രോളർമാരുടെ പ്രധാന വിഷയം.
ALSO READ: ഉഷ്ണതരംഗസാധ്യത; തൊഴില്‍ സമയക്രമീകരണം ഹൈറേഞ്ച് മേഖലയ്ക്കും ബാധകം: ലേബര്‍ കമ്മീഷണര്‍
നടി റോഷ്‌നയുടെ ആരോപണം കൂടി ശെരിയെന്നുള്ള തെളിവുകൾ വന്നതോടെ യദുവിനെ പിന്തുണച്ച് സംസാരിച്ച ഹാഷ്മിയുടെ ഡയലോഗ് ആണ് ഇപ്പോൾ ട്രോളൻമാർക്കിടയിൽ ട്രെൻഡിങ്. യദുവിനോട് ‘ഒറ്റക്കുള്ള പോരാട്ടത്തിൽ നീതിയുടെ പൊൻകിരണങ്ങൾ കണ്ടു തുടങ്ങുന്നു എന്ന് തോന്നുന്നുണ്ടോ’ എന്ന ഹാഷ്മിയുടെ ചോദ്യമാണ് ഇപ്പോൾ ട്രോളിനു ഇടയാക്കുന്നത്. യദുവിന്റെ ആരോപണങ്ങൾ എല്ലാം തെറ്റാണെന്നു തെളിഞ്ഞതോടെയാണ് പിന്തുണച്ച ഹാഷ്മിക്കെതിരെ സോഷ്യൽമീഡിയയിൽ ട്രോളുകൾ വൈറലാകുന്നത്. യദുവാവ ഫാമിലി എന്ന ക്യാപ്ഷനോട് കൂടി പ്രചരിക്കുന്ന ഫോട്ടോയും ഏറെ വൈറലാണ്. ഈ ഫോട്ടോയിൽ യദുവിനെ സപ്പോർട്ട് ചെയ്ത് സംസാരിച്ച രാഹുൽ മാങ്കൂട്ടത്തിൽ, സുജയ പാർവതി, ഹാഷ്മി, അഡ്വക്കേറ്റ് എസ് ജയശങ്കർ,വിനു വി ജോൺ എന്നിവരുടെ ഫോട്ടോയും ചിരിപടർത്തുന്നു.
നീതിയുടെ പൊൻകിരണം തേടിയുള്ള യാത്രയിൽ എന്റെ വണ്ടി കുന്നംകുളം വെച്ച് ഓഫായി, ഹലോ ഹാഷ്മിയല്ലേ , അതെ നീതിയുടെ പൊൻകിരണം കണ്ടു തുടങ്ങിയോ, കുന്നംകുളം റൂട്ടിൽ നീതിയുടെ പൊൻകിരണം ഉദിച്ചുയർന്നോ, ഒറ്റക്കുള്ള പോരാട്ടത്തിൽ നീതിയുടെ പൊൻകിരണം തേടിയുള്ള യാത്രയിൽ ഡ്രൈവർ യദുവിന് ടോർച്ച് അടിച്ചു കൊടുത്ത എല്ലാവർക്കും അഭിവാദ്യങ്ങൾ എന്നിങ്ങനെ പോകുന്നു ഹാഷ്മിയുടെ ഡയലോഗുമായിട്ടുള്ള ട്രോളേന്മാരുടെ യാത്ര.
ALSO READ:പാലായിൽ തലയിൽ ബസ് കയറിയിറങ്ങി മധ്യവയസ്കൻ മരിച്ചു; ആളെ തിരിച്ചറിഞ്ഞിട്ടില്ല
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
