ഫേസ്ബുക് പണിമുടക്കിയതിനെ തുടർന്ന് സോഷ്യൽ മീഡിയയിൽ മാർക്ക് സക്കർബർഗിനെ മുതൽ സുരേഷ് ഗോപിയെയും പ്രതിപക്ഷ നേതാവ് വിഡി സതീശനെയും വരെ ട്രോളി സോഷ്യൽ മീഡിയ. ‘അംബാനിയുടെ പാർട്ടിക്ക് മൂപ്പര് ഇച്ചിരി ഓവറായിപ്പോയി, ഏതൊക്കെയോ വയർ ഊരിയിട്ട്’, എന്നാണ് സക്കർബർഗിനെ സോഷ്യൽ മീഡിയ ട്രോളിയത്.
ALSO READ: ഫേസ്ബുക്കും ഇൻസ്റ്റയും തിരിച്ചുവന്നു, നേരിട്ടത് മണിക്കൂറുകൾ നീണ്ട തടസ്സം
‘തെരഞ്ഞെടുപ്പിൽ ജയിച്ചാൽ ഫേസ്ബുക് സെർവറിന് സ്വർണം പൂശുമെന്ന് സുരേഷേട്ടൻ’, എന്നതാണ് സുരേഷ് ഗോപിക്കെതിരെ സോഷ്യൽ മീഡിയയിൽ വന്ന ട്രോൾ. എന്നാൽ വി ഡി സതീശന്റെ ഇടപെടൽ വിജയം കണ്ടു ഫേസ്ബുക് തിരിച്ചുവന്നു എന്നാണ് പ്രതിപക്ഷ നേതാവിനെതിരെയുള്ള ട്രോൾ. നിരവധി പേരാണ് ഈ ട്രോളുകൾ എല്ലാം തന്നെ ഇപ്പോൾ പങ്കുവെക്കുന്നത്.
ALSO READ: ഫേസ്ബുക് ഇനിയും തിരിച്ചു വന്നില്ലേ? കാരണം ഇതാണ്; റിപ്പോർട്ട് പുറത്തുവിട്ട് അന്താരാഷ്ട്ര മാധ്യമം
അതേസമയം, ചെങ്കടലിലെ ആഴക്കടല്‍ കേബിളുകള്‍ തകരാറിലായത് കൊണ്ട് ആഗോള ടെലികമ്മ്യൂണിക്കേഷൻ ശൃംഖലകളില്‍ കാര്യമായ തടസ്സം സൃഷ്ടിച്ചതായി റിപ്പോർട്ട്. ഫേസ്ബുക് ഇൻസ്റ്റഗ്രാം തകരാറിന്റെയും കാരണം ഇതാണെന്നാണ് സി എൻ എൻ അടക്കമുള്ള മാധ്യമങ്ങൾ ഇപ്പോൾ റിപ്പോർട്ട് ചെയ്യുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
