നിയമസഭാ സ്പീക്കര്‍ എ എന്‍ ഷംസീര്‍ ഇന്‍സ്റ്റഗ്രാം റീലുകളിലൂടെ സോഷ്യല്‍ മീഡിയയില്‍ തരംഗമായിരിക്കുകയാണ്. നിയമസഭ അന്താരാഷ്ട്ര പുസ്തകോത്സവത്തിലെ വൈവിധ്യമാര്‍ന്ന ദൃശ്യങ്ങള്‍ പങ്കുവെച്ചുകൊണ്ട് യുവാക്കളെ വായനയിലേക്കും സാംസ്‌കാരിക പരിപാടികളിലേക്കും ആകര്‍ഷിക്കുന്ന ശ്രമത്തിലാണ് സ്പീക്കര്‍.
ന്യൂ ജനറേഷനെ കൂടുതല്‍ ആകര്‍ഷിക്കുന്ന രീതിയിലാണ് സ്റ്റാറ്റര്‍ജി. ഇന്‍സ്റ്റഗ്രാം സെലിബ്രിറ്റികളുടെ റീലുകള്‍ പോലെ തന്നെ പരിപാടികളുടെ റീലുകളും വളരെ പെട്ടെന്ന് ശ്രദ്ധ നേടിയിട്ടുണ്ട്. സഭാ ടീവിയുടെ ബാഡ്ജിലാണ് എല്ലാ റീലുകളും പ്രചരിക്കുന്നത്.
ഈ പുതു സമീപനം സോഷ്യല്‍ മീഡിയയില്‍ വ്യാപകമായ ചര്‍ച്ചകള്‍ക്ക് വഴി തുറന്നിരിക്കുന്നു. സാമൂഹിക സംഭവങ്ങളില്‍ യുവാക്കളുടെ പങ്കാളിത്തം പ്രോത്സാഹിപ്പിക്കുന്നതില്‍ സ്പീക്കറുടെ ഈ നീക്കം പ്രശംസനീയമാണെന്ന് പലരും അഭിപ്രായപ്പെടുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
