സംവിധായകൻ രഞ്ജിത്തിനെതിരായ കേസിൽ ഇന്ന് സാക്ഷിമൊഴി രേഖപ്പെടുത്തും. സംവിധായകൻ ജോഷി ജോസഫിന്റെ മൊഴിയാണ് എടുക്കുക. കേസിലെ പ്രധാന സാക്ഷിയായി ബംഗാളി നടി പറഞ്ഞിരുന്നത് ജോഷി ജോസഫിനെയാണ്. എറണാകുളത്തെ തമ്മനത്തുള്ള ജോഷി ജോസഫിന്റെ വീട്ടിലെത്തിയാണ് അന്വേഷണസംഘം മൊഴിയെടുക്കുക. ഇന്ന് വൈകിട്ട് മൊഴി രേഖപ്പെടുത്താൻ സാധ്യത.
അതേസമയം, ജയസൂര്യക്കെതിരായ പീഡന പരാതിയിൽ കണ്ടോൺമെന്റ് പൊലീസ് പരാതിക്കാരിയുടെ രഹസ്യ മൊഴിയെടുക്കും. അപേക്ഷ തിരുവനന്തപുരം സിജെഎം കോടതിയിൽ സമർപ്പിച്ചു. സംവിധായകൻ ബാലചന്ദ്രമേനോന്റെ മൊഴിയും രേഖപ്പെടുത്തും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
