പട്ടാമ്പി കപ്പൂരില്‍ വിവിധയിടങ്ങളില്‍ തെരുവുനായ്ക്കളുടെ ആക്രമണത്തില്‍ 6 പേര്‍ക്ക് പരിക്ക്. ബൈക്കില്‍ സഞ്ചരിച്ച അച്ഛനെയും മകളെയും തെരുവു നായ ആക്രമിച്ചു. ബൈക്കില്‍ സഞ്ചരിച്ച വിദ്യാര്‍ത്ഥികള്‍ക്ക് നേരെയും നായ്ക്കളുടെ ആക്രമണം.
പട്ടാമ്പി കപ്പൂരിലാണ് വ്യത്യസ്ത സംഭവങ്ങളിലായി തെരുവുനായയുടെ ആക്രമണം ഉണ്ടായത്. തെരുവുനായ്ക്കളുടെ ആക്രമണത്തില്‍ അച്ഛനും മകളും ഉള്‍പ്പടെ ആറു പേര്‍ക്ക് പരിക്കേറ്റു. പാട്ടാമ്പി ഗവണ്‍മെന്റ് സംസ്‌കൃത കോളേജ് വിദ്യാര്‍ത്ഥിയായ അശ്വതി, അച്ഛന്‍ രാജഗോപാല്‍ എന്നിവര്‍ക്കാണ് നായയുടെ ആക്രമണത്തില്‍ പരിക്കേറ്റത്. അച്ഛനും മകളും സഞ്ചരിച്ച ബൈക്കിന് നേരെ തെരുവുനായ ചാടുകയായിരുന്നു എന്ന് ദൃക്സാക്ഷികള്‍ പറഞ്ഞു.
എഞ്ചിനീയര്‍ റോഡില്‍ തെരുവ് നായ ആക്രമണത്തില്‍ വിദ്യാര്‍ത്ഥിക്ക് പരിക്കേറ്റു. ആനക്കര ഭാഗത്തേക്ക് പോകുന്ന വിദ്യാര്‍ത്ഥികളുടെ ബൈക്കിന് നേരെ നായ്ക്കള്‍ കുരച്ച് ചാടുകയായിരുന്നു. ബൈക്കില്‍ നിന്നും വീണ ബൈക്ക് യാത്രികരെ നായ കടിച്ചുപരിക്കേല്‍പ്പിച്ചു. ആനക്കര ചേക്കോട് സ്വദേശി രാവുണ്ണികുട്ടി, കുമരനെല്ലൂര്‍ സ്വദേശി രജനി എന്നിവര്‍ക്കും നായയുടെ ആക്രമണത്തില്‍ പരിക്കുണ്ട്. സാരമായി പരിക്ക് പറ്റിയ ഇരുവരെയും ചാലിശ്ശേരിയിലെ സ്വകാര്യ ആശുപത്രിയില്‍ നിന്നും പ്രഥമ ശുശ്രൂഷക്ക് ശേഷം തൃശൂര്‍ ഹോസ്പിറ്റലിലേക്ക് മാറ്റി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
