കൊല്ലത്ത് വാഹനാപകടത്തിൽ പതിനെട്ടുകാരന് ദാരുണാന്ത്യം. കരുനാഗപ്പള്ളിയിൽ അമിത വേഗത്തിലെത്തിയ മിനി ലോറി ഇടിച്ച് വിദ്യാർത്ഥി മരിച്ചു. തേവലക്കര സ്വദേശി അൽത്താഫ് (18) ആണ് മരിച്ചത്. അപകടത്തിൽ അൽത്താഫിനൊപ്പം ബൈക്കിൽ ഉണ്ടായിരുന്ന മറ്റൊരു സുഹൃത്തിന് ഗുരുതര പരുക്ക് ഉണ്ട്.
അപകടത്തിൻ്റെ സിസിടിവി ദൃശ്യങ്ങൾ പുറത്ത് വന്നിട്ടുണ്ട്. ബൈക്കിൽ യുവാക്കൾ പോകുമ്പോൾ വലത് വശത്ത് നിന്നും അമിത വേഗതയിൽ എത്തുന്ന മിനി ലോറി യുവാക്കളെ ഇടിച്ചു തെറിപ്പിക്കുന്നത്‌ ദൃശ്യങ്ങളിൽ കാണാം. ഒരു നാല്കവലയിലാണ് അപകടം നടക്കുന്നത് എന്നതും ദൃശ്യങ്ങളിൽ നിന്നും മനസ്സിലാക്കാം.
ALSO READ; സതീശന് മറുപടിയില്ല; പാലക്കാട് കള്ളപ്പണ വിവാദത്തിലെ ചോദ്യങ്ങൾക്ക് മറുപടി നൽകാതെ പ്രതിപക്ഷ നേതാവ്
മിനി ലോറി യുവാക്കളെ ഇടിച്ചു തെറിപ്പിച്ച ശേഷം പിന്നാലെ എത്തിയ വാഹനം നിർത്തുന്നതും മറ്റ് ചില വിദ്യാർഥികൾ സംഭവമറിഞ്ഞ് ഓടിയെത്തുന്നതും ദൃശ്യങ്ങളിൽ വ്യക്തമാണ്.
അതേസമയം സംസ്ഥാനത്ത് ഇന്നുണ്ടായ മറ്റൊരു വാഹനാപകടത്തിൽ ഏഴ് വയസ്സുകാരന് ഗുരുതര പരുക്ക് പറ്റി. മലപ്പുറം തിരൂര്‍ തലക്കടത്തൂരില്‍ ആയിരുന്നു അപകടം.നിയന്ത്രണം വിട്ട കാറിടിച്ച് ഏഴ് വയസ്സുകാരനാണ് ഗുരുതര പരുക്ക് പറ്റിയത്.നെല്ലേരി സമീറിന്റെ മകന്‍ മുഹമ്മദ് റിക്‌സാന് (7) ആണ് പരുക്കേറ്റത്.
ഇന്ന് രാവിലെ 9.45 ഓടെ ആണ് അപകടമുണ്ടായത്. പരുക്കേറ്റ കുട്ടിയെ കോട്ടക്കല്‍ അല്‍മാസ് ഹോസ്പിറ്റലില്‍ പ്രവേശിപ്പിച്ചു. സംഭവത്തില്‍ പൊലീസ് കേസെടുത്തിട്ടുണ്ട്. കുട്ടിയെ കാറിടിക്കുന്നതിന്‍റെ ദൃശ്യങ്ങളും പുറത്തുവന്നിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
