‘ഞങ്ങൾ സ്വാതന്ത്ര്യത്തിനു വേണ്ടിയാണ് പൊരുതിയത്, പെൻഷനു വേണ്ടിയായിരുന്നില്ല’; എൻ ശങ്കരയ്യയെ അനുസ്മരിച്ച് സുധീർ

അന്തരിച്ച കമ്മ്യൂണിസ്റ്റ് നേതാവ് എൻ ശങ്കരയ്യക്ക് അനുശോചനമറിയിച്ച് എഴുത്തുകാരൻ സുധീർ എൻ ഇ.”ഞങ്ങൾ സ്വാതന്ത്ര്യത്തിനു വേണ്ടിയാണ് പൊരുതിയത് , പെൻഷനു വേണ്ടിയായിരുന്നില്ല.” എന്ന ശങ്കരയ്യയുടെ വാചകം പങ്കുവെച്ചു കൊണ്ടാണ് സുധീർ കുറിപ്പ് പങ്കുവെച്ചത്. ശങ്കരയ്യക്ക് ലഭിച്ച ‘തഗൈസൽ തമിഴർ, എന്ന അവാർഡ് തുകയായി ലഭിച്ച 10 ലക്ഷം വരെ അദ്ദേഹം മുഖ്യമന്ത്രിയുടെ കോവിഡ് ദുരിതാശ്വാസ നിധിയിലേക്ക് കൊടുത്തു എന്നും കുറിപ്പിൽ വ്യക്തമാക്കുന്നു.

102 വയസ്സിൽ ശങ്കരയ്യ എന്ന കമ്യൂണിസ്റ്റുകാരൻ വിട പറയുമ്പോൾ ചരിത്രത്തിൽ തിളങ്ങി നിൽക്കുന്ന ഒരുപാട് മൂല്യങ്ങൾ കൂടിയാണ് വിട പറയുന്നത് എന്നും സുധീർ കുറിച്ചു. ഒൻപതാം വയസ്സിൽ രാജ്യത്തിന്റെ സ്വാതന്ത്യത്തിനു വേണ്ടി പൊരുതിത്തുടങ്ങിയ ആ ജീവിതമാണ് ഇന്നിപ്പോൾ ഒൻപതു പതിറ്റാണ്ടത്തെ നിസ്വാർത്ഥ സേവനത്തിനുശേഷം നിലച്ചിരിക്കുന്നത് എന്നാണ് സുധീർ എൻ ഇ യുടെ കുറിപ്പ്.

ALSO READ:അയ്യര്‍ ദ ഗ്രേറ്റ്; ശ്രേയസ് അയ്യര്‍ക്ക് തുടര്‍ച്ചയായ രണ്ടാം സെഞ്ച്വറി

സുധീർ എൻ ഇ യുടെ ഫേസ്ബുക് പോസ്റ്റ്