കാണ്‍പൂര്‍ ബംഗ്ലാദേശിനെതിരായ രണ്ടാം ടെസ്റ്റിന്റെ നാലാം ദിനത്തില്‍ ഇന്ത്യന്‍ റണ്‍ മെഷീന്‍ വിരാട് കോലിയെ ബാറ്റിംഗ് ഓര്‍ഡര്‍ മാറ്റി ഇറക്കിയതില്‍ നീരസം പരസ്യമാക്കി സുനില്‍ ഗവാസ്‌കര്‍. ടെസ്റ്റ് ക്രിക്കറ്റില്‍ നാലാമനായി ഇറങ്ങി 9,000-ത്തോളം റണ്‍സ് എടുത്തയാളെ കുറിച്ചാണ് നിങ്ങള്‍ സംസാരിക്കുന്നതെന്ന് ഗവാസ്‌കര്‍ പറഞ്ഞു.
യശസ്വി ജയ്‌സ്വാള്‍ പുറത്തായപ്പോള്‍ കോലിയെ ഇറക്കുമെന്നായിരുന്നു പ്രതീക്ഷയെങ്കിലും റിഷഭ് പന്ത് ആണ് പകരമെത്തിയത്. ഈ തീരുമാനം തെറ്റാണെന്ന് തെളിയിക്കുന്ന തരത്തില്‍ പന്തിന് മികവ് പുലര്‍ത്താനുമായില്ല. 11 പന്തില്‍ നിന്ന് ഒമ്പത് റണ്‍സ് ആണ് പന്ത് എടുത്തത്.
അഞ്ചാമനായി ഇറങ്ങിയ കോലി, 35 ബോളില്‍ നിന്ന് 47 റണ്‍സെടുത്തു. വേഗതയേറിയ 27,000 അന്താരാഷ്ട്ര റണ്‍സ് എന്ന സച്ചിന്‍ ടെണ്ടുല്‍ക്കറുടെ റെക്കോര്‍ഡ് കോലി ഈ ഇന്നിംഗ്‌സില്‍ മറികടന്നിട്ടുമുണ്ട്. 623 ഇന്നിംഗ്‌സില്‍ നിന്ന് സച്ചിന്‍ ഈ റെക്കോര്‍ഡ് എടുത്തപ്പോള്‍ 594ാം ഇന്നിംഗ്‌സിലായിരുന്നു കോലിയുടെ മറികടക്കല്‍. ശ്രീലങ്കന്‍ മുന്‍ താരം കുമാര്‍ സങ്കക്കാര, ഓസ്‌ട്രേലിയന്‍ മുന്‍ താരം റിക്കി പോണ്ടിംഗ് എന്നിവരും ഈ റെക്കോര്‍ഡ് നേടിയിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
