വീട്ടുജോലിക്കാരിയുടെ കാണാതായ മകളെ തിരികെക്കിട്ടിയ സന്തോഷം പങ്കുവെച്ച് സണ്ണി ലിയോണി. സണ്ണി തന്നെയാണ് പെൺകുട്ടിയെ തിരികെ കിട്ടിയ സന്തോഷം ഫോട്ടോ സഹിതം സമൂഹമാധ്യമങ്ങളിലൂടെ അറിയിച്ചത്. ‘‘അവളെ കണ്ടെത്തി… ഞങ്ങളുടെ പ്രാർത്ഥനകൾക്ക് ഉത്തരം കിട്ടി. ദൈവം വളരെ വലിയവനാണ്. ദൈവം ഈ കുടുംബത്തെ അനുഗ്രഹിക്കട്ടെ. കുടുംബത്തിന് വേണ്ടി മുബൈ പൊലീസിന് നന്ദി അറിയിക്കുന്നു. 24 മണിക്കൂറുകൾക്ക് ശേഷം അനുഷ്കയെ ഞങ്ങൾക്ക് തിരികെ ലഭിച്ചു. കുഞ്ഞിനെ കാണാനില്ലെന്ന വാർത്ത പ്രചരിപ്പിച്ച എല്ലാവർക്കും നന്ദി പറയുന്നു.’’–സണ്ണി ലിയോണി കുറിച്ചു.
ബുധനാഴ്ചയോടെ മുംബൈയിലെ ജോഗേശ്വരില്‍ നിന്നാണ് കുട്ടിയെ കാണാതായത്. കുട്ടിയെ കണ്ടെത്തുന്നവര്‍ക്ക് 11,000 രൂപ കുടുംബം പ്രഖ്യാപിച്ചിരുന്നു. ഇതിനുപുറമെ കുട്ടിയെ കണ്ടെത്തുന്നവര്‍ക്ക് 50000 രൂപ നല്‍കുമെന്ന് സണ്ണി ലിയോണിയും സമൂഹമാധ്യമത്തിലൂടെ അറിയിച്ചിരുന്നു.
ALSO READ: മാധ്യമപ്രവര്‍ത്തകയെ അപമാനിച്ച കേസ്, സുരേഷ് ഗോപിക്ക് നോട്ടീസ്
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
