ബിൽകിസ് ബാനു കേസ്; കീഴടങ്ങാൻ സാവകാശം തേടി പ്രതികൾ നൽകിയ ഹർജി ഇന്ന് സുപ്രീംകോടതി പരിഗണിക്കും

ബിൽകിസ് ബാനു കേസിൽ കീഴടങ്ങാൻ സാവകാശം ആവശ്യപ്പെട്ട് പ്രതികൾ നൽകിയ ഹർജി ഇന്ന് സുപ്രിം കോടതി പരിഗണിക്കും. ആറാഴ്ച വരെ സമയം നീട്ടി നൽകണം എന്നാണ് 3 പ്രതികൾ നൽകിയ ഹർജി.ജനുവരി 21നകം പ്രതികൾ ജയിൽ അധികൃതർക്ക് മുന്നിൽ ഹാജരാകണം എന്നാണ് ജനുവരി 8 ൽ കോടതി ഉത്തരവിട്ടത്.എന്നാൽ ഈ സമയപരിധി നീട്ടി നൽകണമെന്നാണ് പ്രതികളുടെ ആവശ്യം. കേസിൽ പ്രതികളായ ഗോവിന്ദ് ഭായ്, മിഥേഷ് ചിമൻലാൽ ബട്ട്, രമേഷ് രൂപ ഭായ് ചന്ദന എന്നിവരാണ് സുപ്രീം കോടതിയിൽ ഹർജി നൽകിയത്.

ALSO READ: 2023ൽ പിഎസ്‍സി വഴി 34,110 നിയമന
ശുപാർശകൾ

ബിൽകിസ് ബാനുവിന്റെ ഹർജി പരിഗണിച്ച ജസ്റ്റിസ് നഗരത്ന, ജസ്റ്റിസ് ഉജ്ജ്വൽ ഭുയാൻ എന്നിവരടങ്ങുന്ന ബെഞ്ച് തന്നെ ആകും പ്രതികളുടെ ഹർജി പരിഗണിക്കുക. മാതാപിതാക്കളെ പരിചരിക്കാൻ മാറ്റാരുമില്ല മകന്റെ വിവാഹം, വിളവെടുപ്പ് സമയം എന്നിവയാണ് ഈ പ്രതികൾ സാവകാശം തേടുന്നതിന് കാരണമായി പറഞ്ഞിരിക്കുന്നത്.

ബിൽക്കിസ് ബാനു കേസിൽ കു​റ്റ​വാ​ളി​ക​ളു​ടെ മോ​ച​ന​ത്തി​ന് അ​നു​കൂ​ല​മാ​യി ഗു​ജ​റാ​ത്ത് സ​ർ​ക്കാ​ർ മൗ​നം പാ​ലി​ച്ചെ​ന്നാണ് കോ​ട​തിയുടെ നിരീക്ഷണം. നി​യ​മ​വി​രു​ദ്ധ​മാ​യ നി​ർ​ദേ​ശ​ങ്ങ​ൾ ന​ൽ​കാ​ൻ സു​പ്രീം​കോ​ട​തി​യെ തെ​റ്റി​ദ്ധ​രി​പ്പി​ക്കു​ന്ന നി​ല​പാ​ടാ​ണ് ഗു​ജ​റാ​ത്ത് സ്വീ​ക​രി​ച്ച​ത്, നി​യ​മ​വ്യ​സ്ഥ​ക​ളെ​യും കോ​ട​തി​വി​ധി​ക​ളെ​യും മാ​നി​ച്ചി​രു​ന്നെ​ങ്കി​ൽ പു​നഃ​പ​രി​ശോ​ധ​നാ ഹ​ർ​ജി സ​മ​ർ​പ്പി​ക്കു​മാ​യി​രു​ന്നെ​ന്നും സു​പ്രീം ​കോ​ട​തി ​വ്യക്തമാക്കിയിരുന്നു. ഗു​ജ​റാ​ത്ത് സ​ർ​ക്കാ​രി​ന് ഒ​രു അ​ധി​കാ​ര​വു​മി​ല്ലാ​ത്ത കേ​സി​ൽ പ്ര​തി​ക​ൾ​ക്ക് അ​നു​കൂ​ല​മാ​യ നി​ല​പാ​ട് സ്വീ​ക​രി​ച്ച​തി​നാ​ൽ ശി​ക്ഷാ​യി​ള​വ് ന​ൽ​കി​യ ഉ​ത്ത​ര​വ് റ​ദ്ദാ​ക്കു​ന്ന​താ​യും സുപ്രീം ​കോ​ട​തി പറഞ്ഞിരുന്നു.

ALSO READ: ദില്ലിയിൽ കനത്ത മൂടൽമഞ്ഞ്; വിമാനങ്ങൾ റദ്ദാക്കി

കേസിൽ ഗുജറാത്ത് സർക്കാർ പുനഃപരിശോധന സാധ്യത തേടുമെന്ന് സൂചനയുണ്ട്. പ്രതികൾക്ക് ശിക്ഷാ ഇളവ് നൽകാനുള്ള അധികാരമുണ്ടെന്ന നിലപാടിലാണ് ഗുജറാത്ത് സർക്കാർ.