രാജ്യത്തെ ബുൾഡോസർ രാജിനെ തടഞ്ഞ് സുപ്രീം കോടതി. സിപിഐഎം പോളിറ്റ് ബ്യൂറോ അംഗം ബൃന്ദ കരാട്ട് ഉൾപ്പെടെയുള്ളവർ ബുൾഡോസർ രാജിനെതിരെ നൽകിയ ഹർജിയിലാണ് സുപ്രീം കോടതി വിധി. സുപ്രീം കോടതിയുടെ അനുവാദമില്ലാതെ ബുൾഡോസർ രാജ് നടത്തരുതെന്നാണ് കോടതി നിർദേശം. ഒക്ടോബർ 1 വരെയാണ് നിയന്ത്രണം.
ഒക്ടോബർ 1ന് ഹർജികൾ വീണ്ടും പരിഗണിക്കും. പൊതു റോഡുകൾ, നടപ്പാതകൾ, റെയിൽവേ ലൈനുകൾ, ജലാശയങ്ങൾ എന്നിവയിലെ കയ്യേറ്റങ്ങൾക്ക് ഈ ഉത്തരവ് ബാധകമല്ലെന്നും സുപ്രീം കോടതി വ്യക്തമാക്കിയിട്ടുണ്ട്. ജസ്റ്റിസുമാരായ ബി. ആർ ഗവായ്, കെ. വി വിശ്വനാഥൻ എന്നിവരടങ്ങിയ ബെഞ്ചിന്റെയാണ് വിധി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
