സമസ്തയെ അപമാനിച്ചു മുസ്ലീം ലീഗ് നേതാവ് കെ എം ഷാജിക്കെതിരെ എസ് വൈ എസ്. സമസ്തയിൽ സ്ലീപ്പിങ് സെല്ലുകൾ പ്രവർത്തിക്കുന്നു എന്ന ആരോപണം അപമാനിക്കലാണെന്ന് എസ് വൈ എസ് സംസ്ഥാന വർക്കിങ് സെക്രട്ടറി അബ്ദുൽ ഹമീദ് ഫൈസി അമ്പലക്കടവ്. സമസ്തയെ അസ്ഥിരപ്പെടുത്താനുള്ള സലഫി ജമാഅത്തിന്റെ ഗൂഢാലോചന തിരിച്ചറിയണമെന്നും അബ്ദുൽ ഹമീദ് ഫൈസി അമ്പലക്കടവ് പറഞ്ഞു.
കെ എം ഷാജി എന്നാണ് സമസ്തയിൽ അംഗത്വം എടുത്തതെന്നും എസ് വൈ എസ് സംസ്ഥാന വർക്കിങ് സെക്രട്ടറി ചോദിച്ചു. സമസ്ത എതിർക്കുന്നവർക്ക് വേണ്ടി സജീവമായി ഇടപെടുന്ന ആളാണ് കെ എം ഷാജി. മുജാഹിദ് പ്രസ്ഥാനത്തിന് കരുത്ത് പകരുന്ന പ്രവർത്തികളാണ് ഇതുവരെ കെ എം ഷാജി നടത്തിയത്. ലീഗിൽ സമസ്ത ചില വിട്ടുവീഴ്ചകൾ ചെയ്യുന്നുണ്ട്. വലിയ വിജയത്തിന് മുൻപായുള്ള വിട്ടുവീഴ്ചകളാണ് അവയെന്നും അബ്ദുൽ ഹമീദ് ഫൈസി അമ്പലക്കടവ് പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
