“ഈ പദ്ധതി നിലവിൽ വന്നാൽ ഞാൻ മുഖ്യമന്ത്രി സ്ഥാനത്ത് തുടരില്ല”; മധുര ടങ്സ്റ്റൺ ഖനനാവകാശം റദ്ദാക്കണമെന്ന് കേന്ദ്രത്തോട് ആവശ്യപ്പെട്ട് തമിഴ്‍നാട്

മധുര ടങ്സ്റ്റൺ ഖനനാവകാശം റദ്ദാക്കണമെന്ന് തമിഴ്നാട് നിയമസഭ കേന്ദ്രത്തോട് ആവശ്യപ്പെട്ടു. പരിസ്ഥിതിയെ പ്രതികൂലമായി ബാധിക്കുന്നതിനൊപ്പം ഉപജീവനമാർഗത്തെയും ബാധിക്കുന്നതിനാൽ ഖനനം ഒരു കാരണവശാലും അനുവദിക്കില്ലെന്ന് ചർച്ചയ്ക്കിടെ ഇടപെട്ട മുഖ്യമന്ത്രി എംകെ സ്റ്റാലിൻ ഉറച്ചു പറഞ്ഞു. തമിഴ്‌നാട് അസംബ്ലി തിങ്കളാഴ്ച ഇതുസംബന്ധിച്ച നിയമസഭയിൽ പ്രമേയം പാസാക്കി.

Also Read; ഉരുള്‍പൊട്ടൽ ദുരന്തം: സഹായം നല്‍കാത്ത കേന്ദ്ര സമീപനം മനുഷ്യത്വരഹിതവും അന്യായവുമെന്ന് സിപിഐഎം പൊളിറ്റ് ബ്യൂറോ

ഹിന്ദുസ്ഥാൻ സിങ്ക് ലിമിറ്റഡിന് സംസ്ഥാനത്ത് അനുവദിച്ച ടങ്സ്റ്റൺ ഖനനാവകാശം ഉടൻ റദ്ദാക്കണമെന്ന് കേന്ദ്രത്തോട് ഈ പ്രമേയം ആവശ്യപ്പെട്ടു. പരിസ്ഥിതിയെ പ്രതികൂലമായി ബാധിക്കുന്നതിനൊപ്പം ഉപജീവനമാർഗത്തെയും ബാധിക്കുന്നതിനാൽ ഖനനം ഒരു കാരണവശാലും അനുവദിക്കില്ലെന്ന് ചർച്ചയ്ക്കിടെ ഇടപെട്ട മുഖ്യമന്ത്രി എംകെ സ്റ്റാലിൻ വ്യക്തമാക്കി.

“ടങ്സ്റ്റൺ ഖനനം ഒരു കാരണവശാലും അനുവദിക്കില്ല. ആ പദ്ധതി നിലവിൽ വന്നാൽ ഞാൻ ഈ മുഖ്യമന്ത്രി സ്ഥാനം വഹിക്കില്ല,” എന്ന സ്റ്റാലിൻ പറഞ്ഞു. മധുര ജില്ലയിലെ മേലൂര്‍ പ്രദേശത്തെ ഖനനബാധിതരായ ജനങ്ങള്‍ പ്രതിഷേധം ആരംഭിച്ചപ്പോഴാണ് ഖനനത്തിനായുള്ള നിയമത്തിലെ ഇളവിനെതിരെ പത്തുമാസത്തോളം നിശബദ്തനായിരുന്ന പ്രതിപക്ഷ നേതാവ് പളനി സ്വാമി പ്രതികരിച്ചത്, ഈ സാഹചര്യത്തിലാണ് താന്‍ അധികാരത്തിലിരിക്കുന്നിടത്തോളം ടംഗ്സ്റ്റണ്‍ ഖനനം അനുവദിക്കില്ലെന്ന് മുഖ്യമന്ത്രി സ്റ്റാലിന്‍ പ്രതികരിച്ചത്.

Also Read; രണ്ട് കാറുകൾ തമ്മിൽ കൂട്ടിയിടിച്ച് തീപിടിച്ചു, തീ ആളിപ്പടർന്ന് സമീപത്തെ കുടിലുകളിലേക്ക് വ്യാപിച്ചു; 7 പേർ മരിച്ച സംഭവമുണ്ടായത് ഗുജറാത്തിൽ

സംസ്ഥാന ജലവിഭവ മന്ത്രി ദുരൈമുരുഗൻ പൈലറ്റായി അവതരിപ്പിച്ച പ്രമേയം ആമുഖ ഘട്ടത്തിൽ തന്നെ എതിർക്കേണ്ടതില്ലെന്ന് ബിജെപി തീരുമാനിച്ചതോടെ പ്രമേയം ഏകകണ്ഠമായി പാസായി.

News summary; Tamil Nadu Assembly Urges Centre To Cancel Madurai Tungsten Mining Rights