തെലങ്കാന ഗവർണറും പുതുച്ചേരി ലെഫ്റ്റനന്റ് ഗവര്‍ണറുമായ തമിഴിസൈ സൗന്ദര്‍രാജന്‍ രാജിവെച്ചു. ചുമതലകൾ രാജിവെച്ചെന്ന രാജിക്കത്ത് രാഷ്ട്രപതിക്ക് അയച്ചുകൊടുത്തിട്ടുണ്ട്. ലോക്സഭാ തെരഞ്ഞെടുപ്പിൽ ബിജെപി സ്ഥാനാര്‍ത്ഥിയായി തമിഴിസൈ സൗന്ദര്‍രാജന്‍ മത്സരിച്ചേക്കുമെന്നും സൂചനയുണ്ട്.
ചെന്നൈ സെൻട്രൽ, പുതുച്ചേരി മണ്ഡലങ്ങളിലാണ് തമിഴിസൈ സൗന്ദര്‍രാജനെ പരിഗണിക്കാനിരിക്കുന്നതെന്നാണ് റിപ്പോർട്ടുകൾ. രാഷ്ട്രീയത്തിൽ സജീവമായിറങ്ങാൻ മുൻപും തമിഴിസൈ ആഗ്രഹം പ്രകടിപ്പിച്ചിട്ടുണ്ട്. തമിഴ്‌നാട് ബിജെപി മുന്‍ അധ്യക്ഷ കൂടിയാണ് ഇവർ.
മുതിര്‍ന്ന കോണ്‍ഗ്രസ് നേതാവ് കുമരി അനന്തന്റെ മകളാണ് തമിഴിസൈ സൗന്ദര്‍രാജന്‍. 2019 സെപ്റ്റംബറിലാണ് ഇവർ തെലങ്കാന ഗവര്‍ണറായി നിയമിതയായത്. 2019 ലെ ലോക്‌സഭ തെരഞ്ഞെടുപ്പില്‍ തമിഴ്‌നാട്ടിലെ തൂത്തുക്കുടിയില്‍ ഡിഎംകെയുടെ കനിമൊഴിയോട് മത്സരിച്ച് തമിഴിസൈ സൗന്ദര്‍രാജന്‍ പരാജയപ്പെടുകയും ചെയ്തിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
